Border News Agency
စစ်တွေ၊သြဂုတ် ၁၃။
ရခိုင်မှာ လူသားချင်းစာနာထောက်ထားမှုဆိုင်ရာအကူအညီတွေ ပိုမိုပေးအပ်နိုင်ရန် ကမ္ဘာ့စားနပ်ရိက္ခာအစီအစဥ် (WFP)က သြဂုတ်လ ၁၂ ရက်၊ မနေ့ကအရေးတကြီးတိုက်တွန်းတောင်းဆိုလို က်ပါတယ်။
ရခိုင်မှာ လက်နက်ကိုင်ပဋိပက္ခအပါအဝင် စစ်ကော်မရှင်ကပိတ်ဆို့တားဆီးမှုတွေ၊ နိုင်ငံတကားအသိုင်းအဝိုင်းက ရန် ပုံငွေဖြတ်တောက်တာတွေကြောင့် ရခို င်ပြည်သူတွေဟာ ဆာလောင်မွတ်သိပ်မှုတွေ၊အာဟာရချို့တဲ့မှုတွေ မြင့်တက်လာနေတယ်လို့ ဆိုပါတယ်။
ရခိုင်မှာ အခြေခံစားနပ်ရိက္ခာကိုပင် ပြည့်မီအောင်မစားသုံးနိုင်တဲ့မိသားစုဟာပြီးခဲ့တဲ့နှစ်ဒီဇင်ဘာလက ၃၃ ရာခိုင် နှု န်းရှိခဲ့ပေမယ့် ၅၇ ရာခိုင်နှုန်းထိရောက်ရှိနေပြီလို့ ဆိုပါတယ်။
ရခိုင်မှာ စားနပ်ရိက္ခာဖူလုံမှုဟာအလွန်စိုးရိမ်ဖွယ်ရာအတိုင်းအတာထိရောက်ရှိနေပြီ အာဟာရချို့တဲ့မှုဟာလည်း ပိုမိုဆိုးရွားလာနေတယ်လို့ ဆိုပါတယ်။
ရခိုင်မှာ လက်နက်ကိုင်ပဋိပက္ခတွေကြောင့် သွားလာခွင့်ကန့်သတ်မှုတွေဟာ ပိုမိုဆိုးရွားနေမယ်လို့ ခန့်မှန်းထားပါတယ်။
“လူတွေက ပဋိပက္ခတွေအကြား ပိတ်ဆို့ခံရနေရပါတယ်။ကိုယ့်ဝမ်းစာကိုယ်ရှာ စားခွင့်ဆုံးရှုံးနေကြပါတယ်။လူသားချင်းစာနာမှုအကူအညီအကာအကွယ်မဲ့နေကြပါတယ်။ဒီလိုအဆိုးကျော့သံသ ရာထဲမှာပဲ တဝဲလည်လည်ပိတ်မိနေကြရပါတယ်။”ဟု ကမ္ဘာ့စားနပ်ရိက္ခာအစီအစဥ်(WFP)ရဲ့မြန်မာနိုင်ငံဆိုင်ရာဌာ နေကိုယ်စားလှယ် Michael Dunford က ပြောပါတယ်။
ရခိုင်ပြည်သူတွေဟာ မိသားစုဘဝရှင်သန်ရပ်တည်ရေးအတွက် အကြွေးယူတာ၊ တောင်းရမ်းစားသောက်တာ၊ အိမ်တွင်းအကြမ်းဖက်တာ၊ ကျောင်းထွက်တာ၊ လူမှုရေးတင်းမာတာ၊လူကုန်ကူးမှုတွေထိဖြစ်နေကြတယ်လို့ ဆိုပါတယ်။
“ဝမ်းဆာလို့ငိုကြွေးနေတဲ့ကလေးတွေ၊ စားစရာမရှိလို့ မစားလိုက်ရတဲ့မိခင်တွေရဲ့အကြောင်းလို ကြေကွဲစရာ ဇာတ် လမ်းတွေကို ကျွန်တော်တို့ နေ့တိုင်းကြားနေရပါတယ်။မိသားစုတွေက သူတို့တတ်နိုင်သမျှ ကြိုးစားရုန်းကန်နေကြပေမယ့် ဒီလိုအခြေအနေမှာ သူတို့ရုန်းကန်အားတခုတည်းနဲ့ ရှင်သန်ဖို့ ခက်ခဲပါတယ်။”လို့ ကမ္ဘာ့စားနပ်ရိက္ခာအစီအစဥ်(WFP)ရဲ့မြန်မာနိုင်ငံဆိုင်ရာဌာနေကိုယ်စားလှယ် Michael Dunford က ပြောပါတယ်။
ရခိုင်မှာ တိုက်ပွဲတွေရှည်ကြာနေတာ၊ သွားလာခွင့်ကန့်သတ်ထားတာတွေ၊ စားသောက်ကုန်ဈေးနှုန်းတွေမြင့်တက်နေတာတွေ၊လူသားချင်းစာနာထောက် ထားမှုဆိုင်ရာရန်ပုံငွေတွေလျော့နည်းသွားတာတွေ၊အထောက်အပံ့တွေ လျှော့ချခံရတာတွေဟာ အရပ်သားပြ ည်သူတွေကို အငတ်ဘေးပိုဆိုက်အော င်တွန်းအားပေးနေတယ်လို့ ဆိုပါတယ်။
အဲဒါကြောင့် မြေပြင်ရှိအာဏာပိုင်တွေကို လူသားချင်းစာနာထောက်ထားမှုဆိုင်ရာအကူအညီတွေအတားအဆီးမဲ့ဝင်ရောက်ကူညီခွင့်ပေးဖို့ ကမ္ဘာ့စားနပ် ရိက္ခာအစီအစဥ်(WFP)တောင်းဆိုလိုက်ပါတယ်။
ကမ္ဘာ့စားနပ်ရိက္ခာအစီအစဥ်(WFP)ဟာလာမယ့်ခြောက်လအတွက် ရခိုင်လူဦးရေ နှစ်သိန်းခုနှစ်သောင်းကို ကူညီဖို့အမေရိကန်ဒေါ်လာသန်းသုံးဆယ်လိုအ ပ်နေတယ်လို့ ဆိုပါတယ်။
“အခုချက်ချင်းတုံ့ပြန်ဆောင်ရွက်ကြဖို့လိုပါတယ်။ဒီလိုမှမဟုတ်ရင် ဒီအကျပ် အတည်းဟာ တကယ့်ကို ဆိုးရွားတဲ့ က ပ်ဆိုးကြီးတခုအဖြစ် ပြောင်းလဲသွားမှာ ဖြစ်ပါတယ်။”လို့ ကမ္ဘာ့စားနပ်ရိက္ခာအစီအစဥ်(WFP)ရဲ့မြန်မာနိုင်ငံဆိုင်ရာဌာနေကိုယ်စားလှယ် Michael Dunford က ပြောပါတယ်။
အာရက္ခတပ်တော်(AA)ထိန်းချုပ်နယ် မြေတွေမှာနိုင်ငံတကာလူသားချင်းစာနာထောက်ထားမှုဆိုင်ရာအကူအညီတွေလိုအပ်နေကြသူခြောက်သိန်းကျော်ရှိနေတယ်လို့ သြဂုတ်လ ၁၁ ရက်နေ့ကသတင်းစာရှင်းလင်းပွဲမှာ အာရက္ခတပ်တော်က ဆိုပါတယ်။
စစ်ကော်မရှင်ထိိန်းချုပ်ထားဆဲစစ်တွေမြို့မှာငတ်မွတ်မှုဒဏ်ကိုမခံနိုင်လို့အရ ပ်သားပြည်သူတွေဟာ မိသားစုလိုက်သတ်သေတာတွေရှိနေကြပါတယ်။
အဲဒီစစ်တွေမြို့မှာ ငတ်မွတ်မှုဒဏ်ကိုမခံနိုင်လို့မိသားစုလိုက်သတ်သေကြတာမိသားစုငါးစုထက်လူဦးရေနှစ်ဆယ်ထက်မနည်းရှိနေပြီဖြစ်တာကို Border News Agency က လက်လှမ်းမီပြုစုထားတဲ့စာရင်းမှာတွေ့ရပါတယ်။
“ဒါကို နိုင်ငံတကာက မျက်နှာလွှဲလိုက်လို့ မရပါဘူး။” ကမ္ဘာ့စားနပ်ရိက္ခာအစီအစဥ်(WFP)ရဲ့မြန်မာနိုင်ငံဆိုင်ရာဌာနေကိုယ်စားလှယ် Michael Dunford က ပြောပါတယ်။
အာရက္ခတပ်တော်ထိန်းချုပ်နယ်မြေတွေမှာလည်း စစ်ဘေးရှောင်တွေအပါ အဝင်အရပ်သားပြည်သူတွေဟာ အင တ်ဘေးကို ရင်ဆိုင်နေကြရတယ်လို့ဆိုကြပါတယ်။
အာရက္ခအဆုံးအဖြတ်စစ်ပွဲစတင်ကတ ည်းကစစ်ကော်မရှင်ဟာ ကုန်းလမ်း၊ရေ လမ်းအားလုံးကို ပိတ်ဆို့ထားသလို နိုင် ငံတကာလူသားချင်းစာနာထောက်ထားမှုဆိုင်ရာအကုအညီပေးရေးတွေကိုလ ည်း တားဆီးကန့်သတ်ထားပါတယ်။
အာရက္ခတပ်တော်ကလည်း အရပ်သားပြည်သူတွေကို သူတို့ထိန်းချုပ်နယ်မြေပြင်ပသို့ထွက်ခွာသွားလာခွင့်ကို တရားဝင်တားဆီးကန့်သတ်ထားတာမို့ အရပ်သားပြည်သူတွေဟာ အငတ်ဘေးကို ပိုမိုရင်ဆိုင်ကြုံတွေ့နေကြရတယ်လို့ နိုင်ငံတကာအသိုင်းအဝိုင်းက ဆိုကြပါတယ်။
