Border News Agency
သီပေါ၊ စက်တင်ဘာလ ၃။
သီပေါမြို့နယ်ကို စစ်ကောင်စီတပ်လေကြောင်းတိုက်ခိုက်လို့ အရပ်သားတဦးဒဏ်ရာရသွားပြီး နေအိမ်သုံးလုံးပျက်စီးသွားတယ်လို့ တအာင်းတပ်မတော်က စက်တင်ဘာလ ၃ ရက်၊ ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ ဒီနေ့နေ့လည် ၁ နာရီ ၃၈ မိနစ်အချိန်က သီပေါမြို့နယ်၊ ဘော်ကြိုကျေးရွာကိုပေါင် ၂၅၀ ဗုံးနှစ်လုံးနဲ့ တိုက်ခိုက်ခဲ့တာမို့ အမျိုးသားတဦးဒဏ်ရာရသွားပြီး နေအိမ်သုံးလုံးပျက်စီးသွားတယ်လို့ ဆိုပါတယ်။
အဲဒီလို တိုက်ခိုက်လို့ အသက် ၄၅ အရွ ယ်ဦးမောင်ဇော်ဒဏ်ရာရခဲ့ပြီး နေအိမ်သုံးလုံးပျက်စီးသွားတယ်လို့ဆိုပါတယ်။
အဲဒီအပြင် ပြီးခဲ့တဲ့သြဂုတ်လ ၁၈ရက်နေ့ကလည်း သီပေါမြို့၊ အနောက်ရပ်ကွက်နဲ့ တောင်မြို့ရပ်ကွက်ကို လေကြောင်းတိုက်ခိုက်ခဲ့တာကြောင့် အရပ်သားသုံးဦးဒဏ်ရာရသွားခဲ့သလိုနေအိမ်ခုနှစ်လုံးပျက်စီးသွားခဲ့တယ်လို့ဆိုပါတယ်။
အဲဒါကြောင့်စစ်ကောင်စီတပ်လေကြောင်းရန်ကိုရှောင်နိုင်ဖို့ စစ်ရေးသတိအမြဲရှိဖို့လိုအပ်ပြီး လေကြောင်းရန်ကာကွယ်ရေးဆိုင်ရာနည်းလမ်းတွေကို ပြည်သူတွေလိုက်နာကြဖို့လိုအပ်တယ်လို့ တအာင်းတပ်မတော်က အသိပေးထုတ်ပြန်ထားပါတယ်။
