Border News Agency
မဲဆောက်၊ ဇန်နဝါရီ ၂၄။
ထိုင်းနိုင်ငံ၊ မဲဆောက်မြို့မှာသတ်ဖြတ်ခံခဲ့ရတဲ့ အသက်အရွယ်သုံးဆယ့်သုံးနှစ်အရွယ် TikTok ဆယ်လီဧရာဝတီမရဲ့ နာရေးအခမ်းအနားကို ဇန်နဝါရီလ ၂၄ ရက်၊ ဒီနေ့မှာပြုလုပ်ခဲ့ပါတယ်။
အဲဒီဆယ်လီဧရာဝတီမဟာ LGBT တဦးဖြစ်ပြီး အွန်လိုင်းအရောင်းအဝယ်လုပ်ကိုင်နေသူ တဦးဖြစ်ပါတယ်။
အဲဒီဧရာဝတီမဟာ ဇန်နဝါရီလ၁၉ ရက်နေ့ ညပိုင်းမှာပျောက်ဆုံးခဲ့ပြီးနောက် ဇန်နဝါရီလ ၂၀ ရက်နေ့မှာ သေဆုံးနေတဲ့ဒဏ်ရာတွေနဲ့ ရုပ်အလောင်းကိုသာတွေ့ရှိခဲ့တာ ဖြစ်ပါတယ်။
အဲဒီလိုသတ်ဖြတ်ခံရတဲ့ ဧရာဝတီမသေဆုံးတာနဲ့ပတ်သက်တဲ့ သံသယရှိသူလေးဦးက ထွက်ပြေးလွတ်မြောက်နေတာမို့ တရားခံကို ဖမ်းဆီးရမိဖို့ ထိုင်းရဲတပ်ဖွဲ့တွေက စုံစမ်းရှာဖွေနေပါတယ်။
အဲဒီဧရာဝတီမရဲ့ဈာပနပွဲကို ထိုင်းနိုင်ငံနဲ့မြန်မာပြည်တွင်းက LGBT အသိုင်းအဝိုင်းတွေ၊ ထိုင်း – မြန်မာ LGBT အရပ်ဖက်အဖွဲ့အစည်းတွေ၊ LGBT အရေးတက်ကြွလှုပ်ရှားသူတွေနဲ့အတူ သူ့ကိုချစ်ခင်ကြတဲ့မဲဆောက်ရောက်မြန်မာတွေ ရောက်လာခဲ့ကြပါတယ်။
