Border News Agency
ဖားကန့်၊ ဖေဖော်ဝါရီ ၁။
ဖားကန့်မှာ လက်နက်ကြီးသံတွေကြားနေရတဲ့ကြားက စစ်အာဏာသိမ်းငါးနှစ်ပြည့် အာဏာရှင်ဆန့်ကျင်ရေးနဲ့ မြစ်ဆုံစီမံကိန်းကန့်ကွက်ရေး သပိတ်စစ်ကြောင်း လမ်းပေါ်ထွက်ဆန္ဒပြခဲ့ကြပါတယ်။
”ဖားကန့်က တော်လှန်ဆဲပုန်ကန်ဆဲ” ဆိုတဲ့ ကြွေးကြော်သံတွေနဲ့အတူ ဒေသခံတွေစုပေါင်းပြီး စစ်အာဏာရှင်စနစ်ကို အလိုမရှိကြောင်းဆန္ဒပြခဲ့ကြတာပါ။
မြစ်ဆုံစီမံကိန်းကို ကန့်ကွက်တဲ့အပြင် တရုတ်အစိုးရရဲ့ထောက်ခံမှုနဲ့ စစ်ခေါင်းဆောင်လုပ်နေတဲ့ အတုအယောင်ရွေးကောက်ပွဲကိုလည်း လုံးဝလက်မခံဘူးလို့ ဆိုပါတယ်။
ဒီကနေ့ သပိတ်မှာတော့ ၂၀၂၀ အနိုင်ရ NLD အမတ် ဦးအောင်ဟိန်းမင်း ကိုယ်တိုင်တက်ရောက်ပြီး ငါးနှစ်တိုင်တိုင်အားမလျှော့ဘဲတိုက်ပွဲဝင်နေတဲ့ သပိတ်အဖွဲ့တွေကိုအားပေးစကား ပြောခဲ့ပါတယ်။
ဖားကန့်လူထုဟာ အာဏာသိမ်းတဲ့နေ့ကစပြီး ဒီနေ့ငါးနှစ်ပြည့်တဲ့အထိ အရှိန်အဟုန်မပျက်ဘဲ စစ်အာဏာရှင်စနစ်ကို တစိုက်မတ်မတ်တော်လှန်နေကြဆဲပဲ ဖြစ်ပါတယ်။
