Border News Agency
မိုင်းငေါ့၊ ဖေဖော်ဝါရီ ၁၂။
တအာင်းပြည်၊ မိုင်းငေါ့မြို့မှာ အသက် ၅ နှစ်အောက်ကလေးငယ် ၁၁၉ ဦးနဲ့ ကိုယ်ဝန်ဆောင်မိခင် ၆ ဦးကို တအာင်းပြည်ကျန်းမာရေးကောင်စီ (THC) ကနေ ကာကွယ်ဆေးတွေ ထိုးနှံပေးခဲ့ပါတယ်။
အဲဒီဆေးတွေကို ဖေဖော်ဝါရီလ ၈ ရက်ကနေ ၁၀ ရက်နေ့အထိ ၃ ရက်ကြာထိုးနှံပေးခဲ့တာဖြစ်ပြီး တီဘီ၊ ပိုလီယို၊ ဝက်သက်နဲ့ မေးခိုင် အပါအဝင် ရောဂါမျိုးစုံဆေးတွေ ပါဝင်ပါတယ်။
ကလေးငယ်တွေ ကျန်းမာသန်စွမ်းဖို့ရည်ရွယ်တာဖြစ်ပြီး လာမယ့်မတ်လ ၉ ရက်နေ့မှာ ဒုတိယအကြိမ်အဖြစ် ထပ်မံထိုးနှံပေးသွားဦးမှာပါ။
THC အနေနဲ့ ဒီလိုကာကွယ်ဆေးထိုးလုပ်ငန်းတွေကို လစဉ်ပုံမှန်လုပ်ဆောင်ပေးနေတာဖြစ်လို့ မိဘတွေအနေနဲ့ နီးစပ်ရာ ကျန်းမာရေးဌာနတွေမှာ ဆက်သွယ်စုံစမ်းနိုင်ပါတယ်လို့ အသိပေးထားပါတယ်။
