Border News Agency
စစ်ကိုင်း၊ ဧပြီ ၂၁။
စစ်ကိုင်းတိုင်း၊ တန့်ဆည်မြို့နယ်ထဲက ကျေးရွာတွေကို စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးဒဏ်ရာရပြီး ကားနဲ့ ဆိုင်ကယ်တွေ မီးလောင်ပျက်စီးသွားတယ်လို့ တန်ဆည်မြို့နယ်ပကဖက ထုတ်ပြန်ပါတယ်။
အဲဒီကံထူးမရွာ၊ အင်ရေအိုးရွာနဲ့ ပုတိန်ကုန်းရွာတွေကို ဧပြီလ ၂၁ ရက်၊ ဒီနေ့ နေ့လည် ၁၂ နာရီအချိန်က စစ်ကော်မရှင်တပ်ကတိုက်လေယာဉ် သုံးစီးနဲ့ ရှစ်ကြိမ်ထက်အထိ တိုက်ခိုက်ခဲ့တယ်လို့ဆိုပါတယ်။
အဲဒီလို့တိုက်ခိုက်လို့ အရပ်သားတဦးဒဏ်ရာရသွားခဲ့သလို ဆိုင်ကယ်အရောင်းဆိုင်တဆိုင်လုံး ပျက်စီးသွားတယ်လို့ဆိုပါတယ်။
ဒါ့အပြင် Advan ကား လေးစီးနဲ့ ဆီတင်ကားတစီးလည်း မီးလောင်ပြာကျသွားခဲ့တယ်လို့ ဆိုပါတယ်။
စစ်ကော်မရှင်တပ်ဟာ တန့်ဆည်မြို့နယ်အတွင်းက အရပ်သားကျေးရွာတွေကို ပစ်မှတ်ထားပြီး လေကြောင်းကနေ အပြင်းအထန် တိုက်ခိုက်နေတာကြောင့် ဒေသခံတွေ ဘေးလွတ်ရာကို ထွက်ပြေးတိမ်းရှောင်နေကြရတယ်လို့လည်းဆိုပါတယ်။
