Border News Agency
တောင်ကုတ်၊ဇွန် ၁၁။
တောင်ကုတ်ခရိုင်ထဲက ရွာ ၁၂ ရွာမှာရှိတဲ့ စစ်ရှောင်တွေနဲ့ ဒေသခံပြည်သူတွေကို အာရက္ခပြည်သူ့ကျန်းမာရေးဌာနက ဇွန်လ ၇ ရက်နဲ့ ၈ ရက်နေ့တွေမှာ ကွင်းဆင်းပြီး အခမဲ့ ဆေးကုသပေးခဲ့ပါတယ်။
အဲဒီ ကျေးရွာတွေမှာ ငှက်ဖျားနဲ့ အရေပြားရောဂါတွေကို စစ်ဆေးကုသပေးခဲ့တာဖြစ်ပြီးငှက်ဖျားစစ်ဆေးသူ ၄၆ ဦးထဲမှာ ၅ ဦးကို ပိုးတွေ့ရှိခဲ့လို့ ကုသပေးခဲ့ပါတယ်။
အဲဒီခရီးစဉ်မှာ ARE နဲ့ HDCO အဖွဲ့တွေကလည်း ခြင်ထောင်တွေ အခမဲ့ဝေပေးတာနဲ့ ကျန်းမာရေးအသိပညာပေးတာတွေကို ပူးပေါင်းလုပ်ဆောင်ပေးခဲ့ပါတယ်။
အာရက္ခပြည်သူ့ကျန်းမာရေးဌာနအနေနဲ့ စစ်ရှောင်ပြည်သူတွေအတွက် ကျန်းမာရေးစောင့်ရှောက်မှုလုပ်ငန်းတွေကို အခုလိုပဲ အမြဲမပြတ် လုပ်ဆောင်ပေးနေတယ်လို့ သိရပါတယ်။
