Border News Agency
မလေးရှား၊ ဧပြီ ၂၅။
မလေးရှားနိုင်ငံ၊ ကွာလာလမ်ပူမြို့ Sogo ကုန်တိုက်ရှေ့မှာ အဂတိလိုက်စားမှုတိုက်ဖျက်ရေးကော်မရှင်အကြီးအကဲကို ဖမ်းဆီးဖို့ တောင်းဆိုတဲ့ Tangkap Azam Baki လူထုဆန္ဒပြပွဲကိုဧပြီ လ၂၅ ရက်၊ ဒီနေ့ နေ့လည်က ပြုလုပ်ခဲ့တယ်လို့ ဒေသတွင်းမီဒီယာတွေမှာ ဖော်ပြပါတယ်။
အဲဒီဆန္ဒပြပွဲဟာ အစိုးရယန္တရားအတွင်း အဂတိလိုက်စားမှုတွေကို အရေးယူပေးဖို့ တောင်းဆိုတာဖြစ်ပြီး ကျောင်းသားကိုယ်စားလှယ်တွေနဲ့ လူထုအင်အားစုတွေစုပေါင်းပြီး အရှိန်အဟုန်နဲ့ ပြုလုပ်ခဲ့ကြတာပါ။
ဆန္ဒပြပွဲအတွင်း ကျောင်းသားကိုယ်စားလှယ်တွေက မိန့်ခွန်းပြောကြားနေစဉ်မှာပဲ မီးရှူးမီးပန်းတချို့ပေါက်ကွဲမှုဖြစ်ပွားခဲ့လို့ ခဏတာ ရုန်းရင်းဆန်ခတ်ဖြစ်ခဲ့ပေမယ့် ဆန္ဒပြသူတွေကတော့ သူတို့ရဲ့ တောင်းဆိုချက်တွေကို ဆက်လက်ဖော်ထုတ်ခဲ့ကြပါတယ်။
မီးရှူးမီးပန်းပေါက်ကွဲမှုနဲ့ပတ်သက်ပြီး ဘယ်သူ့လက်ချက်လဲဆိုတာကို ရဲတပ်ဖွဲ့ကစုံစမ်းနေပြီး အဲဒီပေါက်ကွဲမှုကြောင့် ဆန္ဒပြပွဲရဲ့ ရည်ရွယ်ချက်ပျက်ပြားမသွားအောင် တက်ကြွလှုပ်ရှားသူတွေက ထိန်းသိမ်းဆောင်ရွက်ခဲ့ကြတယ်လို့ဆိုပါတယ်။
အဲဒီဆန္ဒပြပွဲပြုလုပ်ရာနေရာတဝိုက်မှာ လုံခြုံရေးတပ်ဖွဲ့ဝင်တွေချထားပြီး အခြေအနေကိုစောင့်ကြည့်နေတယ်လို့ဆိုပါတယ်။
