Border News Agency
ဂျာကာတာ၊ဧပြီ ၂၈။
အင်ဒိုနီးရှားနိုင်ငံ၊ဂျာကာတာမြို့အနီးမှာ ဧပြီလ၂၇ ရက်နေ့ က ရထားနှစ်စီးတိုက်မိခဲ့တာကြောင့် လက်ရှိအချိန်အထိ သေဆုံးသူ ၁၇ ဦးအထိ ရှိလာပြီး ၈၁ ဦး ဒဏ်ရာရရှိခဲ့ပါတယ်။
အခင်းဖြစ်ပွားတဲ့နေရာမှာ ရထားတွဲတွေဟာ ဆိုးဆိုးရွားရွား ပျက်စီးနေပြီး ကယ်ဆယ်ရေးအဖွဲ့တွေက အပျက်အစီးတွေကြား ပိတ်မိနေသူတွေကို ဒီနေ့အထိ ဆက်လက်ရှာဖွေ ကယ်ထုတ်နေရဆဲ ဖြစ်ပါတယ်။
အဲဒီ ဒဏ်ရာရရှိသူတွေထဲမှာ စိုးရိမ်ရတဲ့သူတွေ များပြားနေတာကြောင့် သေဆုံးသူအရေအတွက်ဟာ ဒီထက်ပိုပြီး ထပ်တိုးလာနိုင်တယ်လို့ အာဏာပိုင်တွေက ခန့်မှန်းထားပါတယ်။
ဒီဖြစ်ရပ်ဟာ မကြာသေးခင်နှစ်တွေအတွင်း အင်ဒိုနီးရှားမှာ ဖြစ်ပွားခဲ့တဲ့ အဆိုးရွားဆုံး ရထားမတော်တဆမှုတခုဖြစ်ပြီး ရထားလမ်းကြောင်းတွေကိုလည်း ယာယီပိတ်ထားရပါတယ်။
တာဝန်ရှိသူတွေက မတော်တဆမှုဖြစ်ရတဲ့ အကြောင်းရင်းကို အသေးစိတ် စုံစမ်းစစ်ဆေးနေပြီး ကယ်ဆယ်ရေးလုပ်ငန်းတွေကို အရှိန်မြှင့် လုပ်ဆောင်နေပါတယ်။
