Border News Agency
ကျိန္တလီ၊ မေ ၂၂။
ဂွမြို့နယ်၊ကျိန္တလီမြို့မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားကိုးဦးဒဏ်ရာရသွားပါတယ်။
ကျိန္တလီမြို့၊ အမှတ် ၂ ရပ်ကွက်ကို မေလ ၂၁ ရက်၊ မနက်ကိုးနာရီအချိန်ခန့်က အာဏာသိမ်းစစ်တပ်က ဂျက်ဖိုက်တာနှစ်စီးနဲ့ဗုံးကြဲချတိုက်ခိုက်ခဲ့တာကြောင့် အရပ်သားကိုးဦးဒဏ်ရာရသွားခဲ့တာပါ။
ကျိန္တလီမြို့၊ အမှတ် ၂ ရပ်ကွက်မှ အသ က် ၃၉ နှစ်အရွယ်ဦးညီငယ်၊ အသက် ၆၅ နှစ်အရွယ်ဒေါ်ပုမ၊အသက် ၃၂ နှစ်အရွယ်ဒေါ်ခင်သက်၊ အသက် ၄၅ နှစ်အ ရွယ်ဦးဌေးလွင်၊ အသက် ၅၈ နှစ်အရွ ယ်ဒေါ်ခင်မိုး၊အသက် ၄၀ နှစ်အရွယ်ဒေါ်ကြည်ကြည်၊ အသက် ၆၂ နှစ်အရွယ်ဦးမြင့်ဝင်းတင်၊ အသက် ၃၃ နှစ်အရွယ် ပြည့်ဖြိုးအောင်နဲ့အသက် ၂၈ နှစ်အရွယ် မေငယ် ဒဏ်ရာရသွားခဲ့ပါတယ်။
အဲဒီအပြင် အမှတ် ၂ ရပ်ကွက်မှ လူနေအိမ်နှစ်လုံးလည်း ထိခိုက်ပျက်စီးသွားပါတယ်။
အာဏာသိမ်းစစ်တပ်ဟာ အာရက္ခတပ်တော်ထိန်းချုပ်နယ်မြေမှ မြို့၊ကျေးရွာတွေကို ရည်ရွယ်ချက်ရှိရှိပစ်မှတ်ထားပြီး လေကြောင်း၊ရေကြောင်းမှ ပစ်ခတ်တိုက်ခိုက်တာတွေကိုနေ့စဉ်ပြုလုပ်လာနေတာကြောင့် အရပ်သားပြည်သူတွေသေဆုံးဒဏ်ရာရနေကြပါတယ်။
