Border News Agency
ထိုင်း၊ ဇွန် ၇။
ထိုင်းနိုင်ငံမြောက်ပိုင်း၊ ချင်းရိုင်ခရိုင်ထဲမှာ ၂၄ နာရီအတွင်း မူးယစ်ဆေးဝါးသယ်ဆောင်လာတဲ့ အဖွဲ့တွေကို ထိုင်းလုံခြုံရေးတပ်ဖွဲ့တွေက ၃ ကြိမ်ထက်မနည်းဖမ်းဆီးရမိခဲ့ပြီး စုစုပေါင်း စိတ်ကြွဆေးပြား ၄ ဒသမ ၇ သန်းကျော်နဲ့ အိုက်စ် ၁၁၀ ကီလိုဂရမ်ကို သိမ်းဆည်းရမိခဲ့တယ်လို့ ဒေသတွင်းသတင်းတွေအရ သိရပါတယ်။
အဲဒီမဲချန်မြို့နယ်၊ နယ်စပ်လမ်းကြောင်းမှာ ဇွန်လ ၆ ရက်၊ ညပိုင်းက မူးယစ်ဆေးသယ်လာသူတွေနဲ့ ပစ်ခတ်မှုဖြစ်ပွားပြီး အိုက်စ် ၁၁၀ ကီလိုဂရမ်ကို ကနဦးသိမ်းဆည်းရမိခဲ့ပါတယ်။
အဲဒီနောက်ချင်းရိုင်မြို့နယ်ထဲမှာလည်း မူးယစ်ဆေးတင်လာတဲ့ ကားတစီးကို နယ်ခြားစောင့်ရဲတပ်ဖွဲ့က သေနတ်နဲ့ပစ်ခတ်ဖမ်းဆီးခဲ့လို့ ကားပေါ်ကနေ စိတ်ကြွဆေးပြား ၄ ဒသမ ၂ သန်းခန့် ထပ်မံမိရှိခဲ့တာ ဖြစ်ပါတယ်။
ဒါ့အပြင်ဇွန်လ ၇ ရက်၊ ဒီနေ့မနက်ပိုင်းကလည်း မဲဖားလွန်းမြို့နယ်ထဲမှာ ကင်းလှည့်တပ်ဖွဲ့နဲ့ မူးယစ်အဖွဲ့တို့ တိုက်ပွဲဖြစ်ပွားခဲ့ပြီး စိတ်ကြွဆေးပြား ၅ သိန်းခန့် ထပ်မံသိမ်းဆည်းရမိခဲ့ပါသေးတယ်။
အဲဒီထိုင်းအာဏာပိုင်တွေက နယ်စပ်တလျှောက် ပိတ်ဆို့ရှာဖွေမှုတွေကို အရှိန်မြှင့်လုပ်ဆောင်နေတယ်လို့ သိရပါတယ်။
