Border News Agency
စစ်ကိုင်း၊ သြဂုတ် ၂။
စစ်ကိုင်းတိုင်း၊ မုံရွာမြို့နယ်၊ သစ်ညိုပင်ကျေးရွာ ဘုန်းတော်ကြီးကျောင်းနဲ့အနီးဝန်းကျင်ကို အာဏာသိမ်းစစ်တပ်က လေကြောင်းတိုက်ခိုက်ခဲ့တာကြောင့် ကလေးငယ်ငါးဦးအပါအဝင် ပြည်သူဆယ့်နှစ်ဦးဒဏ်ရာရသွားတယ်လို့ မုံရွာမြို့နယ် ပြည်သူ့ကာကွယ်ရေးအဖွဲ့ (MPDO)က သြဂုတ်လ ၂ ရက်၊ ဒီနေ့ထုတ်ပြန်ပါတယ်။
အဲဒီသစ်ညိုပင်ကျေးရွာ ဇူလိုင်လ ၁ ရက်၊ ညနေ ၆ နာရီခွဲအချိန်မှာ အာဏာသိမ်းစစ်တပ်ပေါင် ၅၀၀ ဗုံးသီးနှစ်လုံးနဲ့တိုက်ခိုက်ခဲ့တာဖြစ်ပြီး ဘုန်းတော်ကြီးကျောင်းနဲ့အနီးဝန်းကျင်ကို ပစ်မှတ်ထားတိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့် အပြစ်မဲ့ကလေးငယ်ငါးဦးအပါအဝင် စုစုပေါင်းပြည်သူဆယ့်နှစ်ဦးဒဏ်ရာရသွားတယ်လို့ဆိုပါတယ်။
အဲဒီအပြင်လေကြောင်းတိုက်ခိုက်မှုကြောင့် ပြည်သူ့နေအိမ်တလုံး၊ ဘုန်းတော်ကြီးကျောင်းရဲ့အုတ်တံတိုင်းနဲ့ ကျောင်းဆောင်တလုံးတို့လည်း ပျက်စီးသွားခဲ့တာပါ။
အာဏာသိမ်းစစ်တပ်ဟာ စာသင်ကျောင်းတွေနဲ့ ဘုန်းတော်ကြီးကျောင်းတွေ၊ ပြည်သူတွေစုဝေးရာနေရာတွေကိုပစ်မှတ်ထားတိုက်ခိုက်နေတာကြောင့် ပြည်သူတွေအနေနဲ့ လေကြောင်း၊ လက်နက်ကြီးအန္တရာယ်ကို အထူးသတိထားကြဖို့ MPDO ကသတိပေးထားပါတယ်။
