Border News Agency
ဧရာဝတီ၊ သြဂုတ် ၃။
ဧရာဝတီတိုင်း၊ လေးမျက်နှာမြို့နယ်၊ အိုင်သပြု-ငသိုင်းချောင်း လမ်းမကြီးပေါ်မှာရှိတဲ့ ကရင်လက်သမားတံတားဟာ ဩဂုတ်လ ၃ ရက်၊ ဒီနေ့မှာ ရေဘေးကြောင့်ကျိုးကျသွားခဲ့တယ်လို့ ဒေသခံတွေကဆိုကြပါတယ်။
တံတားကျိုးကျသွားတာကြောင့် အိုင်သပြုနဲ့ ငသိုင်းချောင်းဘက်ကို သွားလာလို့မရတော့ဘဲ လမ်းပန်းဆက်သွယ်ရေး ပြတ်တောက်နေတာ ဖြစ်ပါတယ်။
အဲဲဒီအပြင် အိုင်သပြု၊ မန်းကျောင်းရပ်ကွက် ရွာအဆုံးပိုင်းမှာ ရေမြင့်တက်မှုဟာ လူတလံကျော်အထိ ရှိနေပြီး ရွာခံအများစုနဲ့ စစ်ဘေးရှောင်တွေဟာ အစားအသောက်၊ ဆန်၊ ထင်း၊ ဆေးဝါးနဲ့ သောက်သုံးရေတွေ အရေးပေါ်လိုအပ်နေတယ်လို့ ဆိုပါတယ်။
အဲဒီအပြင်ဖုန်းလိုင်းနဲ့ လျှပ်စစ်မီးတွေလည်း ပြတ်တောက်နေတာကြောင့် အကူအညီရရှိရေးခက်ခဲနေပြီး အလှူရှင်တွေအနေနဲ့ ရွာအဆုံးပိုင်းအထိ အရောက်လာရောက် ကူညီပေးကြဖို့ ရွာခံတွေကတောင်းဆိုထားပါတယ်။
