Border News Agency
နေပြည်တော်၊ သြဂုတ် ၃။
အပြည်ပြည်ဆိုင်ရာ ကြက်ခြေနီကော်မတီ (ICRC)မှ ကိုယ်စားလှယ်တဦးဟာ ဒေါ်အောင်ဆန်းစုကြည်ကို ဩဂုတ်လ ၃ ရက်နေ့မှာ သွားရောက်တွေ့ဆုံခဲ့တယ်လို့ ထုတ်ပြန်ပါတယ်။
အဲဒီတွေ့ဆုံမှုကို ICRC ရဲ့ ထိန်းသိမ်းခံထားရသူများဆိုင်ရာစံနှုန်း၊ လုပ်ထုံးလုပ်နည်းတွေနဲ့အညီ ဆောင်ရွက်ခဲ့တာဖြစ်ပြီး ဒေါ်အောင်ဆန်းစုကြည်နဲ့ သီးသန့်စကားပြောဆိုခွင့်ရရှိခဲ့တာပါ။
အဲဒီတွေ့ဆုံမှုအတွင်း ICRC ရဲ့လုပ်ထုံးလုပ်နည်းအတိုင်း ဖမ်းဆီးထိန်းသိမ်းခံထားရသူတွေရဲ့ မိသားစုနဲ့ သတင်းအချက်အလက် အပြန်အလှန်လဲလှယ်နိုင်မယ့် အခွင့်အလမ်းတွေကိုလည်း ဆောင်ရွက်ပေးနိုင်ခဲ့တယ်လို့ဆိုပါတယ်။
အဲဒီတွေ့ဆုံမှုအတွင်း တွေ့ရှိချက်တွေနဲ့ အကြံပြုချက်များကိုတော့ ထိန်းသိမ်းထားတဲ့အာဏာပိုင်တွေဆီ လျှို့ဝှက်အဖြစ်သာ တိုက်ရိုက်မျှဝေအသိပေးသွားမယ်လို့ ဆိုပါတယ်။
မြန်မာနိုင်ငံရှိ အကျဉ်းထောင်နဲ့ ထိန်းသိမ်းရေးစခန်းတွေဆီ သွားရောက်တွေ့ဆုံခွင့်တွေကိုဆက်ထိန်းသိမ်းနိုင်ဖို့နဲ့ တိုးမြှင့်ရရှိဖို့အတွက် သက်ဆိုင်ရာ အဖွဲ့အစည်းများနဲ့ ဆက်ညှိနှိုင်းဆောင်ရွက်နေတယ်လို့ ICRC ကဆိုပါတယ်။
