Border News Agency
မဏိပူရ်၊ ဩဂုတ် ၂၂။
အိန္ဒိယနိုင်ငံ၊မဏိပူရ်ပြည်နယ်၊ချူရာချန်ပူရ်နဲ့ တဲင်နိုပါးလ်ခရိုင်မှာ အာသံရိုင်ဖယ်တပ်၊အိန္ဒိယစစ်တပ်နဲ့ပြည်နယ်ရဲတပ်ဖွဲ့တို့ပူးပေါင်းကာ သတင်းအချက်အလက်ပေါ် အခြေခံပြီး စစ်ဆင်ရေးပြုလုပ်ခဲ့ကြတယ်လို့ အာသံရိုင်ဖယ်တပ်က သြဂုတ်လ ၂၂ ရက်၊ဒီနေ့ထုတ်ပြန်ပါတယ်။
အဲဒီပူးပေါင်းစစ်ဆင်ရေးအတွင်း လက်နက် ၁၇ လက်အပြင် စစ်အသုံးအဆောင်ပစ္စည်းတွေ၊ခဲယမ်းမီးကျောက်တွေကိုသိမ်းဆည်းရမိခဲ့တာဖြစ်ပါတယ်။
ခုလိုသိမ်းဆည်းရမိခဲ့တာကြောင့် ဒေသတွင်းငြိမ်းချမ်းရေးနဲ့ တည်ငြိမ်ရေးကိုနှောင့်ယှက်လိုတဲ့အဖွဲ့အစည်းတွေဆီ လက်နက်တွေရောက်မသွားအောင်တားဆီးနိုင်ခဲ့တယ်လို့ ဆိုပါတယ်။
စစ်ဆင်ရေးတွေဆောင်ရွက်နိုင်မှုဟာ မဏိပူရပြည်နယ်အတွင်း လုံခြုံပြီးငြိမ်းချမ်းတဲ့ပတ်ဝန်းကျင် ဖန်တီးပေးနိုင်ရေးအတွက် တပ်ဖွဲ့တွေရဲ့ကတိကဝတ်ကိုပြသနေတာလို့ဆိုပါတယ်။
စစ်ဆင်ရေးအတွင်းပါဝင်တဲ့ တပ်ဖွဲ့တွေအနေနဲ့ ဒေသတွင်းတည်ငြိမ်အေးချမ်းရေးအတွက် နယ်မြေရှင်းလင်းရေးလုပ်ငန်းတွေကို ဆက်လက်ဆောင်ရွက်သွားမယ်လို့လည်းဆိုပါတယ်။
