Border News Agency
မလေးရှား၊ နိုဝင်ဘာ ၁၂။
မလေးရှားနိုင်ငံမှာ တရားမဝင် ဝင်ရောက်နေထိုင်မှုနဲ့ ထိန်းသိမ်းခံထားရတဲ့ တရုတ်နိုင်ငံသား တရာ့လေးဆယ့်ကိုးဦးကို ပီနန်အပြည်ပြည်ဆိုင်ရာလေဆိပ်မှတဆင့် နိုဝင်ဘာလ ၁၁ ရက် မိခင်နိုင်ငံသို့ ပြန်လည်ပို့ဆောင်လိုက်ပါတယ်။
အဲဒီကဒါးပြည်နယ်၊ဘီလန်တစ်လူဝင်မှုကြီးကြပ်ရေးထိန်းသိမ်းရေးစခန်းမှာ ထိန်းသိမ်းခံခဲ့ရတဲ့ အရွယ်ရောက်ပြီးအမျိုးသားတွေဖြစ်ကြပြီး ပြန်လည်ပို့ဆောင်ရေး ကုန်ကျစရိတ်တွေကို မိသားစုဝင်တွေနဲ့အလုပ်ရှင်တွေက ကျခံပေးခဲ့တာဖြစ်ပါတယ်။
အဲဒီပြန်လည်ပို့ဆောင်ရေးလုပ်ငန်းစဉ်မှာ ပီနန်မြို့ရှိတရုတ်ကောင်စစ်ဝန်ချုပ်ရုံးမှ ကိုယ်စားလှယ်တွေလည်း ပူးပေါင်းပါဝင်ဆောင်ရွက်ခဲ့ကြတာပါ။
အဲဒီထိန်းသိမ်းခံရသူတွေဟာ ၁၉၅၉/၆၃ လူဝင်မှုကြီးကြပ်ရေး အက်ဥပဒေအရ ပြစ်ဒဏ်တွေအသီးသီး ကျခံပြီးစီးခဲ့သူတွေဖြစ်ကြပါတယ်။
သူတို့တို့အားလုံးကို မလေးရှားနိုင်ငံအတွင်းသို့ ပြန်လည်ဝင်ရောက်ခွင့် မရစေဖို့ လူဝင်မှုကြီးကြပ်ရေးဌာနရဲ့ အမည်ပျက်စာရင်း (Blacklist) သွင်းထားပြီးဖြစ်ပါတယ်။
