Border News Agency
မဲဆောက်၊ နိုဝင်ဘာ ၁၉။
ထိုင်းနိုင်ငံ၊ မဲဆောက်မြို့ရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ရှေ့မှာ အပြည်ပြည်ဆိုင်ရာတရားရုံး (ICJ) ရဲ့ ရိုဟင်ဂျာအရေး စီရင်ချက်ချမှတ်မှုနဲ့ပတ်သက်ပြီး လှုပ်ရှားမှုကို နိုဝင်ဘာလ ၁၉ ရက်၊ ဒီနေ့ပြုလုပ်ခဲ့ကြပါတယ်။
အဲဒီလှုပ်ရှားမှုကို ရန်ကုန်လူထုသပိတ်နဲ့ Burmese Exile Movement အဖွဲ့တို့ ပူးပေါင်းပြုလုပ်ခဲ့တာ ဖြစ်ပါတယ်။
လှုပ်ရှားမှုအတွင်း “ငါတို့သည် ရိုဟင်ဂျာများသာ” စာတန်းပါ အင်္ကျီကို ဝတ်ဆင်ထားတဲ့ လူငယ်တဦးက UNHCR ရုံးခြံစည်းရိုးမှာ “Welcome ICJ End The Myanmar Junta We Stand With The Rohingya” စာသားပါ စတစ်ကာတွေကို ကပ်ခဲ့တာဖြစ်ပါတယ်။
ရိုဟင်ဂျာတွေအပေါ် လူမျိုးတုံးသတ်ဖြတ်မှုစွပ်စွဲချက်နဲ့ မြန်မာနိုင်ငံအပေါ် စွဲဆိုထားတဲ့အမှုကို ICJ တရားရုံးက ဒီနေ့မှာအပြီးသတ်စီရင်ချက် ချမှတ်မှာဖြစ်ပါတယ်။











