Border News Agency
စစ်ကိုင်း၊ သြဂုတ် ၂၅။
စစ်ကိုင်းတိုင်း၊ ကန့်ဘလူမြို့နယ်ကကျေးရွာခြောက်ရွာကို စစ်ကော်မရှင်တပ်နဲ့ ပျူစောထီးအဖွဲ့တွေကစစ်ကြောင်းထိုးပြီး အရပ်သားကိုးဦးကိုသတ်ဖြတ်ခဲ့သလို နေအိမ်လေးရာသုံးဆယ်ကို မီးရှို့ဖျက်ဆီးခဲ့တယ်လို့ ကျွန်းလှတက်ကြွလှုပ်ရှားသူများအဖွဲ့က ဩဂုတ်လ ၂၄ ရက်၊မနေ့ကထုတ်ပြန်ပါတယ်။
စစ်ကော်မရှင်တပ်နဲ့ပျူစောထီးအဖွဲ့အင်အားနှစ်ရာနဲ့ စစ်ကြောင်းထိုးဝင်ရောက်ပြီးသြဂုတ်လ ၁၆ ရက်မှ ၂၀ ရက်နေ့ထိ ပြည်သူပိုင်နေအိမ်တွေကို မီးရှုံ့ဖျက်စီးခဲ့သလို အရပ်သားတွေကိုလည်း ရက်ရက်စက်စက်သတ်ဖြတ်ခဲ့တယ်လို့ဆိုပါတယ်။
အဲဒီကန့်ဘလူမြို့နယ် ရွာမရွာသစ်ရွာကနေအိမ်လေးလုံး၊ထိန်တော(တ/မ)ရွာကနေအိမ်ခုနှစ်ဆယ်ငါးလုံး၊ သရက်တာရွာကနေအိမ်ခုနှစ်််ဆယ်ရှစ်လုံး၊ အင်္ဂါဒေါင့်ရွာကနေအိမ်သုံးဆယ်တလုံး၊ကိုင်းရိုးရွာက နေအိမ်ဆယ့်နှစ်လုံးနဲ့ကျေးပင်အက်ရွာကနေအိမ်နှစ်ရာ့သုံးဆယ်ကို မီးရှုံ့ဖျက်စီးခဲ့တယ်လို့ဆိုပါတယ်။
အဲဒီအပြင် စာသင်ဆောင်လေးဆောင်ကိုလည်း မီးရှို့ဖျက်ဆီးခဲ့တယ်လို့ ဆိုပါတယ်။
စစ်ကော်မရှင်တပ်နဲ့ပျူစောထီအဖွဲ့ဟာဩဂုတ်လ ၂၁ ရက်နေ့ကလည်း ကျေးပင်အက်ရွာမှငှက်ပျောတိုင်းရွာသစ်အထိုင်သို့ ဝင်ရောက်ကာပေကြီးရွာသို့ထပ်မံထွက်ခွာပြီးနောက်ရက်မှာ ယမနေပျူအထိုင်စခန်းသို့ဝင်ရောက်ခဲ့တယ်လို့ဆိုပါတယ်။
ဘူးကုန်းရွာဘက်သို့ သြဂုတ်လ ၂၃ ရက်နေ့ကလည်းစစ်ကြောင်းထိုးဝင်ရောက်ခဲ့ချိန် လမ်းမပေါ်ရှိဆီဘောက်စာကားကိုသေနပ်နဲ့ပစ်ခတ်ချိန် ကားဆရာနှစ်ဦးသေဆုံးခဲ့တယ်လို့ဆိုပါတယ်။
ကျီကျင်းရွာဘက်သို့ ဒီနေ့လည်းစစ်ကြောင်းထိုးဝင်ကာ ရွာကိုမီးရှို့ပြီး ပတ်ပတ်လည်နေရာတွေကို Drone ဗုံးနဲ့တိုက်ခိုက်နေတာကြောင့် အနီးနားကျေးရွာတွေက ဒေသခံတွေ ဘေးလွတ်ရာရှောင်တိမ်းကြရတယ်လို့ဆိုပါတယ်။
