Border News Agency
နမ့်ဆန်၊သြဂုတ် ၂၅။
နမ့်ဆန်မြို့နယ်မှာ ပလောင်ပြည်နယ်လွတ်မြောက်ရေးတပ်ဦး PSLF/TNLAရဲ့ အမျိုးသမီးစစ်သည်တော်ကော်မတီမှ ဦးဆောင်ပြီး အမျိုးသမီးမူဝါဒရေးဆွဲနေတယ်လို့ တအာင်းတပ်မတော် က သြဂုတ်လ ၂၅ ရက်၊ဒီနေ့ထုတ်ပြန်ပါတယ်။
အဲဒီ အမျိုးသမီးမူဝါဒ (မူကြမ်း)ကိုပြီးခဲ့တဲ့ သြဂုတ်လ ၁၂ရက်နေ့မှ ၁၄ ရက်နေ့အထိ ကျင်းပပြုလုပ်ခဲ့တာလို့ဆိုပါတယ်။
အဲဒီသုံးရက်တာမှာPSLF/TNLAရဲ့အမျိုးသမီးစစ်သည်တော်ကော်မတီမှဦးဆောင်ပြီး အမျိုးသမီးမူဝါဒ(မူကြမ်း)ကို ပြန်ပြီးရေးဆွဲဆွေးနွေးခဲ့ကြတယ်လို့ဆိုပါတယ်။
အဲဒီဆွေးနွေးပွဲမှာ ဂျဲန်ဒါတန်းတူရေးမူနဲ့ကိုတာစနစ်ကို အကောင်အထည်ဖော်ဆောင်ရွက်ရန်၊အမျိုးသမီးတွေအပေါ် အကြမ်းဖက်မှုလျော့နည်းလာစေဖို့နဲ့အမျိုးသမီးတွေကိုကာကွယ်ပေးတဲ့ ဥပဒေနဲ့လုပ်ထုံးလုပ်နည်းတွေကို အကောင် အထည်ဖော်ဆောင်ဖို့တို့ပါဝင်ပါတယ်။
အဲဒီအပြင်PSLF/TNLAမှာ တာဝန်ထမ်းဆောင်နေတဲ့ အမျိုးသမီးတွေအတွက် နှစ်စဉ်လျာထားဘတ်ဂျတ်တွေထားပေးဖို့၊အမျိုးသမီးစစ်သည်တော်အတွက် ဘေးကင်းလုံခြုံရေးစီမံချက်တွေပြင်ဆင်ရေးဆွဲတာတွေ၊လုပ်ငန်းဆောင်တာတွေကို ပြန်ပြီးသုံးသတ်တာတွေ၊လေ့လာတာတွေကိုဆွေးနွေးသုံးသပ်ခဲ့ကြတယ်လို့ဆိုပါတယ်။
နောက်ပြီးလက်ရှိ PSLF/TNLAမှာ တာဝန်ထမ်းဆောင်နေတဲ့ အမျိုးသမီးစစ်သည်တွေရဲ့အခြေအနေတွေကို လေ့လာသုံးသပ်တာ၊အခက်အခဲစိန်ခေါ်မူတွေကို ဆွေးနွေးတင်ပြတာ၊လုပ်ငန်းခွင်ရပိုင်ခွင့်အခွင့်အလမ်းတွေနဲ့ အခွင့်အရေးတွေကို ဆွေးနွေးခဲ့ကြတယ်လို့ဆိုပါတယ်။
အဲဒီဆွေးနွေးပွဲကို PSLFTNLAအမျိုးသမီးစစ်သည်တော်ကော်မတီဝင်ဆယ့်နှစ်ဦးနဲ့ ဌာနအသီးသီးမှာတာဝန်ထမ်းဆောင်နေတဲ့ အမျိုးသမီးလေးဆယ်တဦး စုစုပေါင်း ငါးဆယ်သုံးဦးတက်ရောက်ခဲ့တယ်လို့ဆိုပါတယ်။
