Border News Agency
ကရင်ပြည်၊ ဩဂုတ် ၂၉။
ကော်သူးလေအုပ်ချုပ်နယ်မြေ၊ခလယ်လွီထူခရိုင် လယ်ဒိုမြို့နယ်မှာ စစ်ကော်မရှင်တပ်လက်နက်ကြီးပစ်ခတ်လို့ အရပ်သားနှစ်ဦးဒဏ်ရာရသွားတယ်လို့ ကရင်အမျိုးသားအစည်းအရုံးမှ သြဂုတ်လ ၂၉ ရက်၊ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ သြဂုတ်လ ၂၈ ရက်၊ ညနေ ၅ နာရီကျော်အချိန်ခန့်က လယ်ဒိုမြို့နယ်၊ တလိုင်းခင်ကျေးရွာကို နတ်သံကွင်းမှ ၁၂၀ မမတလုံးပစ်ခတ်ခဲ့တာကြောင့် အရပ်သားနှစ်ဦးဒဏ်ရာရသွားတညလို့ဆိုပါတယ်။
အဲဒီပစ်ခတ်လက်တဲ့လက်နက်ကြီးကြောင့် အသက်ခြောက်ဆယ်တနှစ်အရွယ် နော်ဒါးထူး၊အသက်ခုနှစ်ဆယ်အရွယ်စောတိုးနော်တို့ ဒဏ်ရာရသွားခဲ့သလို နေအိမ်တလုံးပျက်စိီးသွားတယ်လို့ဆိုပါတယ်။
အဲဒီအပြင် ၅ နာရီ ၃၀မိနစ်အချိန်ကလည်း ၁၂၀ မမနောက်တလုံးထပ်မံပစ်ခတ်ရာ တလိုင်းခင်ကျေးရွာအရှေ့ဘက်လယ်ကွင်းထဲသို့ ကျရောက်ပေါက်ကွဲခဲ့တယ်လို့ဆိုပါတယ်။
စစ်ကော်မရှင်တပ်ရဲ့တပ်ဖွဲ့ဝင်တွေဟာ ခလယ်လွီထူခရိုင်လယ်ဒိုမြို့နယ်၊ ဆောထိမြို့နယ်၊ မူးမြို့နယ်မှာ နေကြတဲ့အပြစ်မဲ့အရပ်သားပြည်သူတွေကို ပစ်မှတ်ထားပြီးရည်ရွယ်ချက်ရှိရှိ လက်နက်ကြီးတွေ၊ ဒရုန်းတွေနဲ့နေ့စဥ်လိုလိုပစ်ခတ်နေတယ်လို့ဆိုပါတယ်။
အဲဒါကြောင့် ပြည်သူတွေမှာ စိုးရိမ်ကြောက်ရွံ့မှုတွေနဲ့ သွားလာလုပ်ကိုင်ရှာဖွေစားသောက်နေကြရတယ်လို့ဆိုပါတယ်။
