Border News Agency
ဂါဇာ၊ ဧပြီ ၂၃။
ဂါဇာမြောက်ပိုင်းမှာရှိတဲ့ အရပ်သားတွေကို အစ္စရေးကလေကြောင်းတိုက်ခိုက်လို့ကလေး ၃ ဦးအပါအဝင် ပါလက်စတိုင်း ၅ ဦးသေဆုံးသွားတယ်လို့ ဂါဇာအရပ်ဘက်ကာကွယ်ရေးအဖွဲ့က ဧပြီလ ၂၃ ရက်၊ ဒီနေ့မှာ ပြောပါတယ်။
အဲဒီတိုက်ခိုက်မှုဟာ Beit Lahia မြို့က Al-Qassam ဗလီအနီးမှာ ဖြစ်ပွားခဲ့တာဖြစ်ပြီး သေဆုံးသူတွေရဲ့ ရုပ်အလောင်းတွေကို ဂါဇာစီးတီးမှာရှိတဲ့ Al-Shifa ဆေးရုံကို ပို့ဆောင်ထားတယ်လို့ ကျန်းမာရေးတာဝန်ရှိသူတွေက ဆိုပါတယ်။
ပြီးခဲ့တဲ့အောက်တိုဘာလက ဟားမတ်စ်နဲ့ အပစ်ရပ်စဲရေးသဘောတူညီမှု ရထားခဲ့ပေမယ့် အစ္စရေးဘက်က အပစ်ရပ်စာချုပ်ကို အကြိမ်ပေါင်း ၂,၄၀၀ ကျော်အထိ ချိုးဖောက်ခဲ့တယ်လို့ ဂါဇာအစိုးရသတင်းဌာနက ထုတ်ပြန်ထားပါတယ်။
အမေရိကန်က ကြားဝင်စေ့စပ်ပေးထားတဲ့ အပစ်ရပ်ကာလအတွင်းမှာတောင် အစ္စရေးတပ်တွေကြောင့် ပါလက်စတိုင်းပြည်သူ ၇၈၀ ကျော် သေဆုံးခဲ့ရပြီး အဲဒီထဲမှာ Al Jazeera သတင်းထောက် Mohammed Wishah လည်း ပါဝင်ခဲ့ပါတယ်။
ဒါ့အပြင် အစ္စရေးဟာ ဂါဇာဒေသထဲကို စားနပ်ရိက္ခာနဲ့ ဆေးဝါးတွေဝင်ရောက်ခွင့်ကို ကန့်သတ်ထားတာကြောင့် လူဦးရေ ၂ သန်းကျော်ဟာ အငတ်ဘေးနဲ့ ကြုံတွေ့နေရသလို အလွန်ဆိုးရွားတဲ့ အခြေအနေမှာ ရှိနေပါတယ်။
