Border News Agency
နေပြည်တော်၊ ဧပြီ ၂၅။
နိုင်ငံတော်သမ္မတဦးဝင်းမြင့်လွတ်မြော က်လာတာကို ကြိုဆိုပေမယ့်ဒေါ်အောင်ဆန်းစုကြည်အပါအဝင် မတရားဖမ်းဆီးခံထားရသူအားလုံးကို ပြန်လွတ်ပေးဖို့ အာဆီယံအလှည့်ကျဥက္ကဋ္ဌဖိလစ်ပိုင်နိုင်ငံက ဧပြီလ၂၄ ရက်နေ့တိုက်တွန်းလိုက်ပါတယ်။
သမ္မတ ဦးဝင်းမြင့် လွတ်မြောက်လာမှုကို အားတက်စရာခြေလှမ်းသစ်အဖြစ်မြင်ပြီး အားလုံးပါဝင်တဲ့အမျိုးသားအဆင့်ဆွေးနွေးပွဲတွေပေါ်ပေါက်လာဖို့အတွက် အပြုသဘောဆောင်တဲ့လုပ်ရပ်လို့ အာဆီယံက ဆိုပါတယ်။
ဒါပေမယ့် စစ်မှန်တဲ့ငြိမ်းချမ်းရေးနဲ့ ပြန်လည်သင့်မြတ်ရေးအတွက်ဆိုရင် ဒေါ်အောင်ဆန်းစုကြည်နဲ့ကျန်နိုင်ငံရေးအကျဉ်းသားအားလုံးကို ခြွင်းချက်မရှိ အမြန်ဆုံးလွတ်ပေးဖို့လိုအပ်တယ်လို့ဆိုပါတယ်။
အဲဒီအပြင် အရပ်သားတွေနဲ့အများပြ ည်သူဆိုင်ရာနေရာတွေကို ပစ်မှတ်ထား တိုက်ခိုက်နေတာတွေကို ချက်ချင်းရပ်တန့်ဖို့၊ လူသားချင်းစာနာမှုအကူအညီတွေ ဘေးကင်းလုံခြုံစွာပေးနိုင်မယ့် ပတ်ဝန်းကျင်ဖန်တီးပေးဖို့လည်း အာဆီယံက တိုက်တွန်းပါတယ်။
သမ္မတဦးဝင်းမြင့်လွတ်လာတာကို ကု လသမဂ္ဂနဲ့နိုင်ငံတကာက ကြိုဆိုနေကြသလို လူထုခေါင်းဆောင်တွေနဲ့ နိုင်ငံရေးအကျဉ်းသားတွေ အမြန်ဆုံးလွတ် မြောက်ရေးအတွက်လည်း စစ်ကော်မရှင်တပ်အပေါ် ဖိအားပေးမှုတွေ ဆက်တိုက်ရှိနေပါတယ်။
