Border News Agency
တရုတ်၊ မေ ၁၅။
အမေရိကန်သမ္မတဒေါ်နယ်ထရမ့်ဟာ တရုတ်သမ္မတရှီကျင့်ဖျင်နဲ့ နှစ်ရက်ကြာဆွေးနွေးမှုတွေအပြီး မေလ ၁၅ ရက်၊ ဒီနေ့ နေ့လည်ပိုင်းမှာ ဘေဂျင်းမြို့ကနေ အမေရိကန်ကို ပြန်လည်ထွက်ခွာသွားပြီဖြစ်ပါတယ်။
အဲဒီခရီးစဉ်အတွင်း နှစ်နိုင်ငံလုံးအတွက် အကျိုးရှိမယ့်ထူးခြားကောင်းမွန်တဲ့ ကုန်သွယ်ရေးသဘောတူညီမှုတွေရရှိခဲ့တယ်လို့ ထရမ့်ကဆိုထားပြီး တရုတ်ဘက်က အမေရိကန်လေယာဉ်တွေနဲ့ လယ်ယာထုတ်ကုန်တွေဝယ်ယူဖို့ သဘောတူခဲ့တယ်လို့သိရပါတယ်။
ကုန်သွယ်ရေးအပြင် အီရန်စစ်ပွဲကြောင့် ပိတ်ထားတဲ့ ဟောမုဇ်ရေလက်ကြားပြန်ဖွင့်ရေးနဲ့ အီရန်ကို လက်နက်မတပ်ဆင်ပေးဖို့ ကတိကဝတ်တွေကိုပါ ရှီကျင့်ဖျင်ဆီကနေရရှိခဲ့တယ်လို့ ထရမ့်ကပြောကြားခဲ့ပါတယ်။
ဘေဂျင်းလေဆိပ်မှာ တရုတ်နိုင်ငံခြားရေးဝန်ကြီးဝမ်ယိအပါအဝင် အရာရှိတွေက ထရမ့်ကိုလိုက်ပါပို့ဆောင်ခဲ့ကြပြီး ထရမ့်ကတော့ ဒီခရီးစဉ်ဟာနှစ်နိုင်ငံဆက်ဆံရေးကို ပိုမိုခိုင်မာစေခဲ့တယ်လို့သုံးသပ်ထားပါတယ်။
ပြီးခဲ့တဲ့နှစ်တွေက ကုန်သွယ်ရေးမူဝါဒတွေကြောင့် တင်းမာခဲ့တဲ့နှစ်နိုင်ငံဆက်ဆံရေးကို ဒီခရီးစဉ်ကတဆင့် ပြန်လည်ထိန်းညှိနိုင်ဖို့ နှစ်ဖက်စလုံးကကြိုးစားလာကြတာလည်း ဖြစ်ပါတယ်။
