Border News Agency
နွားထိုးကြီး၊ ဇွန် ၁၄။
မန္တလေးဒေသ၊ နွားထိုးကြီးမြို့နယ်မှာ တော်လှန်ရေးတပ်တွေတိုက်ခိုက်လို့ အာဏာသိမ်းစစ်တပ်တပ်ဖွဲ့ဝင်အများအပြားသေဆုံးသွားတယ်လို့ မြင်းခြံခရိုင်တပ်ရင်း ၁ က ဇွန်လ ၁၃ရက်၊ မနေ့ကထုတ်ပြန်ပါတယ်။
အာဏာသိမ်းစစ်တပ်စစ်ကြောင်းနဲ့ ဂိတ်စခန်းကို ဇွန်လ ၇ ရက်နဲ့ ၁၂ ရက်နေ့က PDF ၊ ပကဖ ပူးပေါင်းတပ်ဖွဲ့တွေကတိုက်ခိုက်ခဲ့တာကြောင့် အာဏာသိမ်းစစ်တပ်တပ်ဖွဲ့ဝင် အများအပြားသေဆုံးဒဏ်ရာရသွားခဲ့တယ်လို့ ဆိုပါတယ်။
အဲဒီနွားထိုးကြီးမြို့နယ်၊ အရှေ့တောင်ဘက်ခြမ်းမှာ အာဏာသိမ်းစစ်တပ်စစ်ကြောင်းကို ဇွန်လ ၇ ရက်နေ့က တော်လှန်ရေးတပ်ဖွဲ့ဝင်တွေက လက်နက်ကြီးတွေနဲ့ပစ်ခတ်တိုက်ခိုက်ခဲ့လို့ အာဏာသိမ်းစစ်တပ်စစ်တပ်ဖွဲ့ဝင် ၃ ဦးထက်မနည်းသေဆုံးပြီး အများအပြားဒဏ်ရာရသွားတယ်လို့ ဆိုပါတယ်။
အဲဒီအပြင် မြင်းခြံ – နွားထိုးကြီးလမ်း၊ ကံနောင်ကျေးရွာရှိ စစ်ဆေးရေးဂိတ်ကိုလည်း ဇွန်လ ၁၂ ရက်နေ့က ထပ်မံတိုက်ခိုက်ခဲ့လို့ အာဏာသိမ်းစစ်တပ်တပ်ဖွဲ့ဝင်အများအပြားသေဆုံးခဲ့ပြီး ဒဏ်ရသူတွေကို နာရေးကား ၂ စီးနဲ့ လာရောက်သယ်ဆောင်သွားတယ်လို့ ဆိုပါတယ်။
အဲဒီတိုက်ခိုက်မှုတွေကို မြင်းခြံခရိုင် အမှတ် ၁၊ ၂၊ ၃၊ ၄၊ ၇၊ ၈၊ ၁၀ တပ်ရင်း၊ မြင်းခြံခရိုင် ပကဖ နဲ့ နွားထိုးကြီးမြို့နယ် ပကဖ တို့က ပူးပေါင်းလုပ်ဆောင်ခဲ့တတာလို့ဆိုပါတယ်။
