Border News Agency
ပါကစ္စတန်၊ဇွန် ၂၄။
အမေရိကန်နဲ့အီရန်တို့ကြား စစ်ပွဲကို အဆုံးသတ်ဖို့အတွက် ဆွစ်ဇာလန်မှာ ဆွေးနွေးပွဲတွေလုပ်ဆောင်ပြီးနောက် အီရန်သမ္မတ မာဆု ပီဇက်ရှ်ခီယန်ဟာ ဇွန်လ ၂၃ ရက်၊မနေ့ကပါကစ္စတန်နိုင်ငံကို တရားဝင် ခရီးစဉ်အဖြစ် ရောက်ရှိလာပါတယ်။
အဲဒီခရီးစဉ်ဟာ ပြီးခဲ့တဲ့ဖေဖော်ဝါရီလ ၂၈ ရက်ကတည်းက အမေရိကန်နဲ့ အစ္စရေးတို့ရဲ့ တိုက်ခိုက်မှုကို ခံခဲ့ရပြီးတဲ့နောက် အီရန်သမ္မတရဲ့ ပထမဆုံး ပြည်ပခရီးစဉ်လည်း ဖြစ်ပါတယ်။
အစ္စလာမ်မာဘတ်မှာ ပါကစ္စတန်သမ္မတနဲ့ ဝန်ကြီးချုပ်တို့က အီရန်သမ္မတကို နွေးထွေးစွာ ကြိုဆိုခဲ့ကြပါတယ်။
အခုလိုအီရန်သမ္မတ ပါကစ္စတန်ကို လာရတာကတော့ အမေရိကန်နဲ့ အီရန်တို့ကြားမှာ ဖြစ်လာတဲ့ သဘောတူညီချက်တွေအတွက် ပါကစ္စတန်ဘက်က ကြားဝင်စေ့စပ်ပေးခဲ့လို့ ကျေးဇူးတင်စကား ဆိုဖို့နဲ့ ဆက်လက်ဆောင်ရွက်မယ့် ကိစ္စတွေကို ဆွေးနွေးဖို့ ဖြစ်ပါတယ်။
သဘောတူညီချက်အရတော့ အမေရိကန်ဘက်က အေးခဲထားတဲ့ အီရန်ငွေကြေး ဒေါ်လာ ၁၂ ဘီလီယံကို ပြန်လွှတ်ပေးမှာဖြစ်ပြီး အီရန်ရဲ့ ရေနံနဲ့ရေနံဓာတုပစ္စည်းတွေကို သြဂုတ်လ ၂၁ ရက်အထိ ရောင်းချခွင့်ပေးဖို့အတွက် နိုင်ငံတကာ ဒဏ်ခတ်ပိတ်ဆို့မှုတွေကို ခေတ္တဖြေလျှော့ပေးထားပါတယ်။
အဲဒီဆွေးနွေးပွဲတွေရဲ့ နောက်ဆုံးရလဒ်အနေနဲ့လည်း လမ်းပြမြေပုံ တခုကို ချမှတ်ထားပါတယ်။
ဒီခရီးစဉ်အတွင်းမှာတော့ နှစ်နိုင်ငံကြား ကုန်သွယ်ရေး၊ စွမ်းအင်၊ နယ်စပ်လုံခြုံရေးနဲ့ ဒေသတွင်း ဆက်သွယ်ရေးကိစ္စတွေကို အဓိကထား ဆွေးနွေးသွားမှာ ဖြစ်ပါတယ်။
