Border News Agency
ပုသိမ်၊ဇွန်လ ၂၉။
အာဏာသိမ်းစစ်တပ်ဟာ လူလှိုင်းအသုံးပြုပြီး ထိုးစစ်ဆင်တိုက်ခိုက်နေတယ်လို့ အာရက္ခတပ်တော်ထုတ်ပြန်ပါတယ်။
အဲဒါကြောင့် အာဏာသိမ်းစစ်တပ်နဲ့အာရက္ခတပ်တော်ကြား တိုက်ပွဲတွေပြင်းထန်စွာဖြစ်နေတယ်လို့ ဆိုပါတယ်။
အာဏာသိမ်းစစ်တပ်ဟာ စစ်မှုထမ်းဥပဒေပြဋ္ဌာန်းပြီး အတင်းအဓမ္မစစ်မှုထမ်းခေါ်ခံရသူတွေကို ရှေ့တန်းကအသေခံတက်ခိုင်းကာလူလှိုင်းအသုံးပြုတိုက်ခို က်နေတာပါ။
ဒါပေမယ့် အာဏာသိမ်းစစ်သားတွေဟာ သေဆုံးဒဏ်ရာရသူတွေများနေသလို အရှင်ဖမ်းဆီးခံရသူတွေလည်းများနေပြီး ထွက်ပြေးလက်နက်ချသူတွေလ ည်းများနေတယ်လို့တော်လှန်ရေးအဖွဲ့တွေ ထုတ်ပြန်ပါတယ်။
အဲဒီလိုသေဆုံးဒဏ်ရာရဖမ်းဆီးခံရသူတွေ၊လက်နက်ချဘက်ပြောင်းလာသူအများစုဟာ အတင်းအဓမ္မစစ်မှုထမ်းခေါ်ခံကြရတဲ့ပြည်သူ့စစ်တွေဖြစ်ကြတယ်လို့ ဆိုကြပါတယ်။
အာဏာသိမ်းစစ်တပ်ဟာ အရပ်သားပြည်သူတွေကို အတင်းအဓမ္မစစ်မှုထမ်းတွေစဥ်ဆက်မပြတ်ခေါ်ယူနေပြီး ရှေ့တန်းစစ်မြေပြင်တွေမှာအစုလိုက်၊အပြုံလိုက်အသေခံခိုင်းနေတာလို့ လူ့အခွင့်အရေးအဖွဲ့တွေ ဝေဖန်ထောက်ပြကြပါတယ်။
အဲဒါကြောင့်အာဏာသိမ်းစစ်တပ်ထိန်းချုပ်နယ်မြေတွေမှာအရပ်သားပြည်သူတွေနေ့စဥ်ရက်ဆက်ပျောက်ဆုံးနေကြသလို မိသားစုဝင်တွေလုံးဝစုံစမ်းရှာမရတာတွေအများကြီးရှိနေကြတယ်လို့ ဆိုကြပါတယ်။
