Border News Agency
စစ်ကိုင်း၊ဇူလိုင် ၉။
စစ်ကိုင်းတိုင်း၊ဖောင်းပြင်မြို့နယ်က စစ်မြေပြင်မှာ အာဏာသိမ်းစစ်တပ်က တပ်ကြပ်တဦးအပါအဝင် တပ်ဖွဲ့ဝင်လေးဦး ထွက်ပြေးပြီး မော်လိုက်ခရိုင်တပ်ရင်း-၃ ဆီ အလင်းဝင်လာတယ်လို့ ဇူလိုင်လ ၈ ရက်နေ့ကထုတ်ပြန်ပါတယ်။
သူတို့လေးဦးဟာ ဇူလိုင်လ ၄ နဲ့ ၅ ရက်နေ့တွေမှာ အလင်းဝင်လာတာဖြစ်ပြီး သူတို့ထဲမှာ စစ်မှုထမ်းဟောင်းနဲ့ တပ်သားသစ်တွေ ပါဝင်တယ်လို့ ဆိုပါတယ်။
တပ်တွင်းမှာအရာရှိတွေရဲ့ ဖိနှိပ်မှုတွေရှိသလို PDF ဘက်ကိုအလင်းဝင်ရင် သတ်ဖြတ်ခံရမယ်လို့ ဝါဒဖြန့် မှိုင်းတိုက်ထားတဲ့အတွက် စိုးရိမ်ပြီး မလာရဲကြတာလို့ အလင်းဝင်လာတဲ့ တပ်ကြပ်တဦးကဆိုပါတယ်။
အဲဒီအလင်းဝင်လာတဲ့ သူတွေကို မိသားစုဆီပြန်နိုင်ဖို့နဲ့အလုပ်အကိုင်ရရှိဖို့တပ်ရင်းဘက်က စီစဉ်ပေးနေတယ်လို့ဆိုပါတယ်။
ဖောင်းပြင်နဲ့မော်လိုက်ဘက်မှာ စစ်ရေးတင်းမာနေပြီး အာဏာသိမ်းစစ်တပ်က လေကြောင်းတိုက်ခိုက်မှုတွေ ခပ်စိပ်စိပ်လုပ်နေတဲ့ကြားထဲကနေ အခုလို ထွက်ပြေးလာတာလို့လည်းဆိုပါတယ်။
