Border News Agency
ကျောက်တော်၊ဇူလိုင် ၁၁ ။
အာဏာသိမ်းစစ်တပ်လေကြောင်းနဲ့ မြေပြင်တိုက်ခိုက်မှုတွေကြောင့် ၂၀၂၆ ခုနှစ်၊ဇန်နဝါရီလမှဇွန်လထိခြောက်လတာကာလအတွင်း အမျိုးသမီးသုံးရာသုံးဆယ်နှစ်ဦးအသက်ဆုံးရှုံးခဲ့ရတယ်လို့ မြန်မာအမျိုးသမီးသမဂ္ဂ(BWU)က ဇူလိုင်လ ၁၀ ရက်နေ့ထုတ်ပြန်ပါတယ်။
အာဏာသိမ်းစစ်တပ်ဟာ သူတို့ကိုယ်သူတို့ အစိုးရပုံစံပြသဖို့ ကြိုးပမ်းနေပေမယ့် လက်တွေ့မှာ နိုင်ငံတဝှမ်းလေ ကြောင်းတိုက်ခိုက်တာ၊ပြည်သူတွေကို အစုအလိုက်အပြုံလိုက်သတ်ဖြတ်တာနဲ့ညှင်းပန်းနှိပ်စက်တာတွေလုပ်နေလို့ ဘယ်လိုနည်းနဲ့မှအစိုးရအဖြစ် လက်ခံလို့မရဘဲ အကြမ်းဖက်သမားသရုပ်မှန်ပဲ ဖြစ်တယ်လို့ BWU က ထောက်ပြထားပါတယ်။
အဲဒီခြောက်လအတွင်း အမျိုးသမီးသုံးရာသုံးဆယ်နှစ်ဦးသေဆုံးခဲ့ရတဲ့အပြင် နောက်ထပ် အမျိုးသမီးသုံးရာ့ခြောက်ဦးလည်း ဒဏ်ရာရခဲ့ပြီး သေဆုံးသူတွေထဲမှာ စစ်တပ်လေကြောင်းဗုံးကြဲမှုကြောင့် သေဆုံးရသူနှစ်ရာ့လေးဆယ်နှစ်ဦးထိရှိခဲ့ပါတယ်။
စစ်ကိုင်းတိုင်းဟာ အမျိုးသမီးသေဆုံးမှုတရာ့နှစ်ဦးနဲ့ထိခိုက်မှုအများဆုံးဖြစ်ခဲ့ရပါတယ်။
အဲဒီအပြင်ဇူလိုင်လ ၃ ရက်နေ့က အာ ဏာသိမ်းစစ်တပ်ဟာ သူတို့ထိန်းချုပ်ရာမြို့ကြီးတွေမှာ မြန်မာအမျိုးသမီးများနေ့ အခမ်းအနားကို ဟန်ပြကျင်းပပြီး အမျိုးသမီးအခွင့်အရေးတွေအ ကြောင်း ဝါဒဖြန့်ခဲ့ပါသေးတယ်။
ဒါပေမယ့် မြေပြင်မှာ လေကြောင်းတိုက်ခိုက်မှုတွေကြောင့် နေ့စဉ်နဲ့အမျှ အမျိုးသမီးတွေ သေဆုံးနေရလို့ ဒါဟာ သွေးစွန်းတဲ့လက်နဲ့ ဟန်ပြလုပ်ဆောင်တဲ့ သရုပ်ဆောင်မှုသက်သက်ပဲလို့ အရပ်ဘက်အဖွဲ့အစည်းတွေက ဝေဖန်ထားပါတယ်။
အဲဒီအမျိုးသမီးတွေနဲ့ကလေးငယ်တွေရဲအသက်အိုးအိမ်စည်းစိမ်ဟာ များစွာ ခြိမ်းခြောက်ခံနေရပြီး စစ်တပ်အကြ မ်းဖက်မှုတွေ အမြန်ဆုံးအဆုံးသတ်နိုင်ဖို့အတွက် ထိရောက်တဲ့နိုင်ငံတကာအရေးယူဆောင်ရွက်မှုတွေကို မြန်မာပြည်သူတွေ အရေးတကြီး လိုအပ်နေတယ်လို့ တိုက်တွန်းထားပါတယ်။
