Border News Agency
ဝါရှင်တန်၊ ဇူလိုင် ၁၅။
အမေရိကန်စစ်တပ်ဟာအီရန်နိုင်ငံအပေါ်နောက်ဆုံးအကျော့ တိုက်ခိုက်မှုတွေကို အောင်မြင်စွာ ပြီးမြောက်ခဲ့ပြီလို့ ဇူလိုင်လ ၁၃ ရက်၊ ညပိုင်းမှာ ပြောကြားလိုက်ပြီး ဒါဟာသုံးညဆက်တိုက် စစ်ရေးအရ အရေးယူတိုက်ခိုက်ခဲ့တာ ဖြစ်ပါတယ်။
အမေရိကန် အလယ်ပိုင်းစစ်ဌာနချုပ်ရဲ့ ထုတ်ပြန်ချက်အရ ၅ နာရီကြာ စစ်ဆင်ရေးအတွင်း ဘူရှာရ်၊ ချာဘဟာ၊ ဂျက်စ်ခ်၊ ကိုနာရတ်ခ်၊ အဘူမူဆာနဲ့ ဘန်ဒါအက်ဘာ့စ် မြို့တွေအပါအဝင် အီရန်တစ်ဝန်းက စစ်ရေးပစ်မှတ်တွေကို တိကျသေချာတဲ့ လက်နက်ခဲယမ်းတွေသုံးပြီး တိုက်ခိုက်ခဲ့တာပါ။
ဒီတိုက်ခိုက်မှုဟာ အီရန်ရဲ့ ကုန်သွယ်ရေးသင်္ဘောတွေကို တိုက်ခိုက်နိုင်စွမ်း လျော့နည်းသွားစေဖို့ ရည်ရွယ်ပြီး ကမ်းခြေကာကွယ်ရေးစနစ်တွေ၊ဒုံးကျည်နဲ့ ဒရုန်းစခန်းတွေအပြင် ရေကြောင်းစွမ်းရည်တွေကို အဓိကပစ်မှတ်ထားခဲ့တာ ဖြစ်ပါတယ်။
အမေရိကန်က တိုက်ခိုက်မှုတွေ ပြန်စမယ်လို့ ကြေညာပြီးနောက် ဘန်ဒါအက်ဘာ့စ် ဆိပ်ကမ်းမြို့၊ ကစ်ရှ်နဲ့ ကက်ရှ်မ်ကျွန်းစုတွေအပြင် ပင်လယ်ကွေ့ထဲက အဘူမူဆာကျွန်းစုတွေမှာ ပေါက်ကွဲမှုတွေ ဖြစ်ပွားခဲ့တယ်လို့ အီရန်မီဒီယာတွေက ဖော်ပြပါတယ်။
လက်ရှိမှာ အမေရိကန်ဟာ အရှေ့အလယ်ပိုင်းမှာ စစ်သည်အင်အားငါးသောင်းကျော် ဖြန့်ကြက်ကာ အသင့်ပြင်ထားပြီး ဒီတိုက်ခိုက်မှုကြောင့် ယာယီအပစ်ရပ်ရေး သဘောတူညီချက်ရဖို့ သံသယပွားစရာ ဖြစ်လာသလို ကမ္ဘာ့ရေနံဈေးနှုန်းတွေလည်း မြင့်တက်သွားခဲ့ရပါတယ်။
