Border News Agency
နေပြည်တော်၊ ဩဂုတ် ၂၉။
ပြည်ထောင်စုဝန်ကြီးဦးတင်အောင်စန်းနဲ့ ထိုင်းအမျိုးသားလုံခြုံရေးကောင်စီအတွင်းရေးမှူးချုပ် မစ္စတာချတ်ချိုင်ဘန်ချွတ်ဦးဆောင်တဲ့အဖွဲ့ဟာ ဩဂုတ်လ ၂၈ ရက်နေ့က နေပြည်တော်မှာတွေ့ဆုံခဲ့ကြပါတယ်။
အဲဒီတွေ့ဆုံပွဲမှာ နှစ်နိုင်ငံဆက်ဆံရေးတိုးမြှင့်ဖို့အပြင် နယ်စပ်ဒေသလုံခြုံရေးနဲ့ ပူးပေါင်းဆောင်ရွက်ရေးကိစ္စတွေကို အဓိကထားတိုင်ပင်ခဲ့ကြတာပါ။
အဲဒီအပြင်နယ်စပ်ဖြတ်ကျော်ရာဇဝတ်မှုတွေ၊ အွန်လိုင်းလိမ်လည်မှု (ကျားဖြန့်)၊မူးယစ်ဆေးဝါး တားဆီးနှိမ်နင်းရေးနဲ့ သတင်းအချက်အလက် လုံခြုံရေးပူးပေါင်းဆောင်ရွက်ရေးတွေကိုလည်း ဆွေးနွေးခဲ့ကြပါတယ်။
နောက်ပြီးနယ်စပ်ဂိတ်တွေ ကိစ္စ၊ နှစ်နိုင်ငံကုန်သွယ်ရေး၊ သဘာဝပတ်ဝန်းကျင်ထိန်းသိမ်းရေးနဲ့ အာဆီယံဒေသတွင်းထိတွေ့ဆက်ဆံရေးတွေကိုပါဆွေးနွေးခဲ့ပါတယ်။
ဒီဆွေးနွေးပွဲကို သက်ဆိုင်ရာဝန်ကြီးဌာနအသီးသီးက ဒုတိယဝန်ကြီးတွေနဲ့တာဝန်ရှိသူတွေ တက်ရောက်ခဲ့ကြပါတယ်။
