Border News Agency
နီပေါ၊ဩဂုတ် ၂၉။
နီပေါနဲ့တိဘက်နယ်စပ်ဒေသတွေမှာဖြစ်ပွားခဲ့တဲ့ ရေကြီးရေလျှံမှုအတွင်းသေဆုံးသူ ၆၀၀ နီးပါးရှိလာနေပြီး ဒုတိယအကြိမ်ရေကြီးမယ့်အန္တရာယ်ကြောင့် ခေတ္တရပ်နားထားရတဲ့ ရှာဖွေကယ်ဆယ်ရေးလုပ်ငန်းတွေကို ဩဂုတ်လ ၂၉ ရက်၊ဒီနေ့ ပြန်လည်စတင်လိုက်ပါတယ်။
အဲဒီသဘာဝဘေးအန္တရာယ်ကြောင့် နီပေါနိုင်ငံမှာ သေဆုံးသူ ၅၇၉ ဦးနဲ့ ပျောက်ဆုံးသူ ၁,၉၂၄ဦး ရှိနေကာ တိဘက်ဘက်ခြမ်းမှာလည်း သေဆုံးသူ ၅ ဦးနဲ့ပျောက်ဆုံးသူ ၅၅၈ ဦးရှိနေပြီလို့ သက်ဆိုင်ရာတာဝန်ရှိသူတွေက ထုတ်ပြန်ထားတာပါ။
သြဂုတ်လ ၂၆ ရက်၊ မနက်ကဟိမဝန္တာတောင်တန်းအမြင့်မီတာ ၅,၂၀ cut မှ ရေခဲတောင် အစိတ်အပိုင်းအချို့ပြိုကျခဲ့ပြီး လှိုင်းလုံးကြီးတွေအဖြစ် လင်ဒေးမြစ်နဲ့တြိရှူလီမြစ်အတွင်းစီးဝင်ခဲ့ရာမှ နီပေါနိုင်ငံရှိ ရာဆူဝါ၊ နူဝါကုတ်နဲ့ဒါဒင်းခရိုင်တွေကို ရေကြီးရေလျှံမှုပြင်းထန်စွာဖြစ်ပွားခဲ့တာဖြစ်ပါတယ်။
ရေခဲတောင်ပြိုကျမှုကြောင့် ရေကန်အသစ်တခုထပ်မံဖြစ်ပေါ်လာပြီး ရေအမှတ်မြင့်တက်လာခဲ့တဲ့အတွက် ဒုတိယအကြိမ်ရေကြီးမှာကို စိုးရိမ်ကာ ကယ်ဆယ်ရေးလုပ်ငန်းတွေခေတ္တရပ်နားခဲ့ရပေမယ့် လက်ရှိမှာအန္တရာယ်ကိုထိန်းချုပ်နိုင်တဲ့ အဆင့်ရှိလို့သတ်မှတ်ကာ ရှာဖွေရေးတွေပြန်လည်စတင်ခဲ့ကြတာပါ။
နီပေါမှာအိန္ဒိယ၊ အမေရိကန်၊တောင်ကိုရီးယား၊ ဩစတြေးလျနဲ့ကုလသမဂ္ဂအပါအဝင် နိုင်ငံတကာကူညီရေးအဖွဲ့တွေရောက်ရှိနေကြပြီး လမ်းတံတားတွေပျက်စီးကာ အဆက်အသွယ်ပြတ်တောက်နေတဲ့ နေရာတွေသို့ကယ်ဆယ်ရေးအဖွဲ့တွေရောက်ရင် သေဆုံးသူအရေအတွက်ထပ်မံမြင့်တက်လာနိုင်တယ်လို့ဆိုပါတယ်။
