Border News Agency
မန္တလေး၊ သြဂုတ် ၅။
မန္တလေးတိုင်း၊ မတ္တရာမြို့နယ်မှာရှိတဲ့ ဆည်တော်ကြီးရေလှောင်တမံရေပိုရေလွှဲတံခါးတွေကို ဩဂုတ်လ၄ ရက်နေ့ကစဖွင့်ထားတာမို့ ဆည်အနီးကျေးရွာတချို့ အရေးပေါ်ပြောင်းရွှေ့ကြဖို့ မြန်မာနိုင်ငံလူမှုကယ်ဆယ်ရေးအဖွဲ့ အသိပေးထုတ်ပြန်ပါတယ်။
အဲဒီရေလှောင်တမံဟာ ကန်ရေပြည့်အမှတ် ၄၁၉ ဒသမ ၅ ပေမှာ လက်ရှိတမံရေအမှတ် ၄၁၈ ပေသို့ရောက်ရှိနေပြီး ကန်ရေပြည့်ဖို့တပေခွဲခန့်သာလိုတော့တာကြောင့် ရေလွှတ်နေရတာဖြစ်ကာ ကျေးရွာတွေနားကချောင်းဘောင်တွေကို ရေစတင်ကျော်လွန်ဝင်ရောက်နေတာဖြစ်ပါတယ်။
အဲဒါကြောင့် ပုဂံစု၊ ရေချောင်း၊ သပြေချောင်နဲ့ အင်းသကား ကျေးရွာဒေသခံတွေ အရေးပေါ်ပြောင်းရွှေ့ကြဖို့ အသိပေးထားပါတယ်။
အဲဒီတံငါတံတားရဲ့ရေအမှတ်ဟာလည်း ၉၅ ဒသမ ၆ ပေသို့ ရောက်နေပြီး နောက်ထပ်ရေသုံးပေခန့်ထပ်တိုးရင် ကားလမ်းရေကျော်နိုင်ပါတယ်။
