Border News Agency
အင်ဒိုနီးရှား၊ ဩဂုတ် ၁၅။
အင်ဒိုနီးရှားနိုင်ငံအရှေ့ပိုင်း ဖလောရက်စ်ကျွန်းကမ်းလွန်မှာ ဩဂုတ်လ ၁၅ ရက်၊ ဒီနေ့မနက်ကလှုပ်ခတ်ခဲ့တဲ့ ပြင်းအား ၇.၇ အဆင့်ရှိ အင်အားပြင်းငလျင်ကြောင့် သေဆုံးသူနှစ်ဆယ်အထိမြင့်တက်လာပြီဖြစ်ပါတယ်။
အဲဒီငလျင်ဟာ မြေအောက်အနက် ၁၀ ကီလိုမီတာခန့်သာရှိတဲ့ အနက်တိမ်ငလျင်ဖြစ်ပြီး အင်းဒေးမြို့ရဲ့ မြောက်-မြောက်အနောက်ဘက် ၆၈ ကီလိုမီတာခန့်အကွာ ပင်လယ်ပြင်ကိုဗဟိုပြုပြီးလှုပ်ခတ်ခဲ့တာပါ။
မဟာငလျင်ကြီးလှုပ်ခတ်ပြီးနောက် မိနစ်ပိုင်းအတွင်းပြင်းအား ၆.၁ အဆင့်ရှိ အင်အားပြင်းနောက်ဆက်တွဲငလျင်အပါအဝင် ရိုက်ခတ်မှုပေါင်းများစွာ ဆက်တိုက်ဖြစ်ပေါ်ခဲ့တာကြောင့် ဒေသခံတွေဘေးလွတ်ရာသို့ အထိတ်တလန့်ပြေးထွက်ခဲ့ကြရပါတယ်။
ငလျင်ကြောင့် ဆိပ်ကမ်းအဆောက်အအုံ၊ ဘုန်းတော်ကြီးကျောင်းနဲ့နေအိမ်အချို့ ပြိုကျပျက်စီးခဲ့ပြီး ဆေးရုံတွေမှလူနာတွေကိုလည်း အဆောက်အအုံအပြင်ဘက် လမ်းမပေါ်သို့အရေးပေါ်ရွှေ့ပြောင်းပေးခဲ့ရပါတယ်။
ငလျင်အပြီးမှာ BMKG အေဂျင်စီက ဆူနာမီသတိပေးချက်ထုတ်ပြန်ကာ ပြည်သူတွေကိုအမြင့်ပိုင်းသို့ ရွှေ့ပြောင်းဖို့တိုက်တွန်းခဲ့ပေမယ့် ပင်လယ်ရေမြင့်တက်မှု မရှိတာကြောင့်လက်ရှိမှာ ဆူနာမီသတိပေးချက်ကို ပြန်လည်ရုပ်သိမ်းလိုက်ပြီဖြစ်ပါတယ်။
