Border News Agency
မဲဆောက်၊ ဧပြီ ၁၈။
ထိုင်းနိုင်ငံ၊ မဲဆောက်မြို့မှာ တရားမဝင်ဝင်ရောက်လာတဲ့ မြန်မာနိုင်ငံသား ၂ ဦးဖမ်းဆီးရမိခဲ့တယ်လို့ တာ့ခ်ခရိုင်လူဝင်မှုကြီးကြပ်ရေးဌာနက ဧပြီလ ၁၇ ရက်၊မနေ့ကထုတ်ပြန်ပါတယ်။
အဲဒီထိုင်း-မြန်မာနယ်စပ် လုံခြုံရေးနဲ့ ရာဇဝတ်မှုခင်းတွေ တားဆီးနိုင်ဖို့အတွက် တာ့ခ်ခရိုင်လူဝင်မှုကြီးကြပ်ရေးရဲတပ်ဖွဲ့က နယ်စပ်တလျှောက် စစ်ဆေးမှုတွေလုပ်ခဲ့တယ်လို့ဆိုပါတယ်။
အဲဒီလို ပြုလုပ်ရာမှာမဲဆောက်မြို့၊သာ့ဆိုင်းလော့ဒ် ရပ်ကွက်အတွင်းလှည့်ကင်းဆောင်ရွက်နေချိန်မှာ တရားမဝင်မြန်မာနှိုင်ငံသားနှစ်ဦးကို ဖမ်းဆီးရမိခဲ့တယ်လို့ ဆိုပါတယ်။
အဲဒီမြန်မာနိုင်ငံသား ၂ ဦးဟာ ထိုင်းနိုင်ငံအတွင်းကို တရားဝင်အထောက်အထားမရှိဘဲ ခိုးဝင်လာတာဖြစ်လို့ နိုင်ငံအတွင်း တရားမဝင် ဝင်ရောက်နေထိုင်မှု နဲ့ အရေးယူသွားမယ်လို့ဆိုပါတယ်။
အဲ ဒီဖမ်းဆီးမှုအတွင်း ထိုင်းအာဏာပိုင်တွေအနေနဲ့ ညှဉ်းပန်းနှိပ်စက်မှုနဲ့ အတင်းအဓမ္မပျောက်ကွယ်စေမှု တားဆီးကာကွယ်ရေးဥပဒေအရ ဖမ်းဆီးစဉ်အတွင်း ရုပ်သံမှတ်တမ်းတွေ ရိုက်ကူးထားပြီး သက်ဆိုင်ရာဌာနတွေကိုလည်း ဥပဒေနဲ့အညီ အကြောင်းကြားခဲ့တယ်လို့ ဆိုပါတယ်။
ဖမ်းဆီးရမိသူတွေကို တာ့ခ်ခရိုင် လူဝင်မှုကြီးကြပ်ရေးဌာနရဲ့ ထိန်းသိမ်းရေးစခန်းဆီ ပို့ဆောင်ထားပြီး ဥပဒေအရ အရေးယူကာ နေရပ်ပြန်ပို့နိုင်ဖို့ဆက်လုပ်နေတယ်လို့ ဆိုပါတယ်။
