Border News Agency
မန္တလေး၊ အောက်တိုဘာ ၂၃။

စစ်အာဏာသိမ်းပြီး​နောက် နိုင်ငံတဝှမ်းကပြည်သူနှစ်သောင်းနှစ်ထောင်ကို စစ်ကော်မရှင်ဖမ်းဆီးထားတယ်လို့အမျိုးသားညီညွတ်ရေးအစိုးရက ထုတ်ပြန်ပါတယ်။

အဲဒီလိုဖမ်းဆီးထားတာကို နိုင်ငံတကာပါလီမန်များ(IPU)၁၅၁ ကြိမ်မြောက်ညီလာခံမှာ အမျိုးသားညီညွတ်ရေးအစိုးရရဲ့နိုင်ငံခြားရေးဝန်ကြီးဒေါ်ဇင်မာအောင်က ပြောခဲ့ပါတယ်။

“၂၀၂၁ ခုနှစ်၊ဖေဖော်ဝါရီလစစ်တပ်အာဏာသိမ်းမှုကတည်းက အာဏာသိမ်းစစ်တပ်ဟာသူတို့ရဲ့ပြည်သူတွေအပေါ်ကို စစ်ပြန်တိုက်နေပါတယ်။ပြည်သူနှစ်သောင်းနှစ်ထောင်ကိုအကြောင်းပြချ က်မရှိဖမ်းဆီးထားပါတယ်။ပြည်သူငါးသန်းကျော်ဟာ နေရပ်စွန့်ခွာနေရပါတယ်။” လို့ဒေါ်ဇင်မာအောင်က ဆိုပါတယ်။

အဲဒီလိုမတရားဖမ်းဆီးထားသူတွေထဲမှာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊နိုင်ငံတော်သမ္မတဦးဝင်းမြင့်အပါအဝင်အစိုးရလူကြီးတွေ၊ ဌာနဆိုင်ရာဝန်ထမ်းတွေ၊ သတင်းသမားတွေ၊ အရပ်သားပြည်သူတွေလ ည်းပါဝင်ပါတယ်။

“အကျပ်အတည်းကာလတွေမှာ လူ သားချင်းစာနာထောက်ထားမှုဆိုင်ရာစံ နှုန်းတွေကိုမြှင့်တင်တာနဲ့လူသားချင်းစာနာမှုလုပ်ငန်းတွေကိုပံ့ပိုးကူညီခြင်း” ခေါင်းစဉ်နဲ့ဒေါ်ဇင်မာအောင်က ပြောခဲ့တာပါ။

အဲဒီအပြင်စစ်ကော်မရှင်တပ်ဟာ ကျေး ရွာတွေ၊စာသင်ကျောင်းတွေ၊ဆေးရုံတွေ၊ဘာသာရေးအဆောက်အအုံတွေကိုလည်း လေကြောင်းတိုက်ခိုက်နေတယ်လို့ ဆိုပါတယ်။

မြန်မာနိုင်ငံဟာအဆိုးဆုံးလူသားချင်းစာနာထောက်ထားမှုဆိုင်ရာပဋိပက္ခတွေကို ရင်ဆိုင်နေရတယ်လို့ဆိုပါတယ်။

အဲဒါဟာ သဘာဝကြောင့်ဖြစ်တဲ့ပဋိပ က္ခမဟုတ်ပဲ လူတဦးရဲ့ရက်စက်ကြုမ်းကြုတ်မှုကြောင့်ဖြစ်တဲ့ပဋိပက္ခဖြစ်သ လို တမင်ဖန်တီးထားတဲ့နိုင်ငံရေးပဋိပ က္ခဖြစ်တယ်လို့ဆိုပါတယ်။

စစ်ကော်မရှင်တပ်ဟာ စစ်ရာဇဝတ်မှုတွေနဲ့လူသားမျိုးနွယ်အပေါ် ကျူးလွန်တဲ့ရာဇဝတ်မှုတွေကိုကျူးလွန်နေတာဖြစ်ပြီးပြည်သူတွေကို ပစ်မှတ်ထားတို က်ခိုက်နေဆဲလို့လည်း ဆိုပါတယ်။

အဲဒီအပြင် လူသားချင်းစာနာထောက် ထားမှုအကူအညီတွေကို စစ်ကော်မရှင်တပ်ပိတ်ပင်ထားသလို အကူအညီတွေကိုသိမ်းယူနေပြီးလူသားဆန်မှု၊ကြားနေမှု၊ဘက်မလိုက်မှု၊အမှီအခိုကင်းမှုဆိုတဲ့အခြေခံမူတွေကိုချိုးဖောက်နေတယ်လို့လည်းဆိုပါတယ်။

အာဏာသိမ်းပြီးနောက်စစ်ကော်မရှင်တပ်ဟာ ရခိုင်ပြည်သူထောင်နဲ့ချီပြီးဖမ်းဆီးထားပါတယ်။