Border News Agency
လယ်မူလား၊ အောက်တိုဘာ ၂၅။
ကရင်အမျိုးသားအစည်းအရုံး၊ မြိတ်ထားဝယ်ခရိုင်၊ လယ်မူလားမြို့နယ်၊ မဇောကျေးရွာအုပ်စု၊ မဇောကျေးရွာကို စစ်ကော်မရှင်တပ် လက်နက်ကြီးနဲ့ပစ်ခတ်လို့ နှစ်ဦးဒဏ်ရာရရှိသွားတယ်လို့ ဆိုပါတယ်။
စစ်ကော်မရှင်တပ်ဟာ အောက်တိုဘာ လ ၂၃ရက်နေ့က ဇဝဲအခြေစိုက် ၅၅ ၆တပ်ရင်းမှ လက်နက်ကြီးကျည်တွေနဲ့ မဇောကျေးရွာကို ပစ်ခတ်ခဲ့တာလို့ ဆိုပါတယ်။
အဲဒီပစ်ခတ်မှုကြောင့် မဇောကျေးရွာက ကလေးငယ်တဦးအပါဝင် နှစ်ဦးဒဏ်ရာရရှိခဲ့ပြီး နေအိမ်တဆောင်မှာလည်း ပျက်စီးခဲ့တယ်လို့ ဆိုပါတယ်။
စစ်ကော်မရှင်တပ်က စက်တင်ဘာလ ၂၄ရက်နေ့၊ မနက် ၉နာရီအချိန်မှာလည်း ခလရ -၂၈၅ တပ်ရင်းက လက်နက်ကြီးကျည်ပစ်ခတ်လို့ လယ်မူလားမြို့နယ်၊ ပလောကျေးရွာအုပ်စု၊ ကဝက်ကျေး ရွာက အသက်ခြောက်ဆယ်အရွယ် အမျိုးသမီးတဦးမှာ ကျည်စထိမှန်ဒဏ်ရာရရှိခဲ့ပါတယ်။
