Border News Agency
တနင်္သာရီတိုင်း၊ ဇန်နဝါရီ ၁၁။
တနင်္သာရီတိုင်း၊ ကော့သောင်းမြို့နယ်မှာ WY စိတ်ကြွဆေးပြားအပါအဝင် မူးယစ်ဆေးရောင်းဝယ်သုံးစွဲသူ ခြောက်ဦးကိုသက်သေခံပစ္စည်းတွေနဲ့အတူ ဖမ်းဆီးရမိခဲ့ပါတယ်လို့ ကော့သောင်းမြို့နယ်ပြည်သူ့ကာကွယ်ရေးအဖွဲ့က ဇန်နဝါရီလ ၁၁ ရက်၊ ဒီနေ့ထုတ်ပြန်ပါတယ်။
အဲဒီမူးယစ်ဆေးရောင်းဝယ်သုံးစွဲသူခြောက်ဦးကို သက်သေခံပစ္စည်းတွေနဲ့အတူ ဇန်နဝါရီ ၈ ရက်နေ့က ဖမ်းဆီးရမိခဲ့တယ်လို့ ဆိုပါတယ်။
အဲဒီလိုဖမ်းဆီးရာမှာ WY ဆေးပြားတသောင်းခြောက်ထောင်ကျော်၊ ICEတဂရမ်၊ ကျည်အတောင့်လေးဆယ်နဲ့ ထိုင်းဘတ်ငွေရှစ်သောင်းခုနှစ်ထောင်ကိုသိမ်းဆည်းရမိခဲ့တယ်လို့ဆိုပါတယ်။
အဲဒီမူးယစ်ဆေးတွေကို ဇန်နဝါရီ ၉ ရက်နေ့မှာပဲ မီးရှို့ဖျက်ဆီးခဲ့ပါတယ်လို့ဆိုပါတယ်။
စစ်အာဏာသိမ်းပြီးနောက်ပိုင်း ကော့သောင်းမှာ မူးယစ်ဆေးတွေပိုပေါလာနေပြီး ဒါဟာစစ်ကော်မရှင်လက်အောက်ခံရဲနဲ့ စရဖတွေကလိုင်းကြေးယူကာကျောထောက်နောက်ခံပေးထားတာကြောင့်လို့ ဒေသခံတွေကဆိုပါတယ်။
အဲဒီမူးယစ်ဆေးဝါးတွေကို လူငယ်တွေနဲ့ ကျောင်းသားအရွယ်တွေပါသုံးစွဲမှုများလာနေတာမို့ ရောင်းဝယ်ဖောက်ကားသူတွေကို ဆက်လက်ဖမ်းဆီး အရေးယူသွားမယ်လို့ ဆိုပါတယ်။
