Border News Agency
အမေရိကန်၊ ဧပြီ ၁၄။
ပစိဖိတ်သမုဒ္ဒရာ အရှေ့ပိုင်းမှာ အမေရိကန်စစ်တပ်က သင်္ဘောတစီးကိုထပ်မံတိုက်ခိုက်ခဲ့လို့ လူ ၂ ဦး သေဆုံးသွားတယ်လို့ အမေရိကန်တောင်ပိုင်းစစ်ဌာနချုပ် (SOUTHCOM) က ထုတ်ပြန်ပါတယ်။
အမေရိကန်ဘက်ကတော့ ဒီသင်္ဘောဟာ လက်တင်အမေရိကမူးယစ်ဂိုဏ်းတွေနဲ့ ဆက်နွှယ်နေတဲ့မူးယစ်အကြမ်းဖက်သမားတွေလို့ စွပ်စွဲထားပေမယ့် ခိုင်လုံတဲ့အထောက်အထားတော့ ထုတ်ပြန်တာမရှိသေးပါဘူး။
အဲဒီဗီဒီယိုမှတ်တမ်းအရ အင်ဂျင်တပ်ထားတဲ့စက်လှေဟာ ဝေဟင်ကနေတိုက်ခိုက်ခံရပြီး မီးလောင်ပေါက်ကွဲသွားတာကို တွေ့ရပါတယ်။
ဒါဟာ ၂ ရက်အတွင်း ဒုတိယအကြိမ်မြောက် သေဆုံးမှုဖြစ်ပွားတဲ့ တိုက်ခိုက်မှုလည်းဖြစ်ပါတယ်။
ပြီးခဲ့တဲ့ စက်တင်ဘာလကစလို့ အခုလိုပစိဖိတ်နဲ့ ကာရစ်ဘီယံပင်လယ်အတွင်း အမေရိကန်ရဲ့ တိုက်ခိုက်မှုတွေကြောင့် သေဆုံးရသူ အနည်းဆုံး ၁၇၀ ကျော်သွားပြီဖြစ်ပါတယ်။
နိုင်ငံတကာဥပဒေပညာရှင်တွေနဲ့ လူ့အခွင့်အရေးအဖွဲ့တွေကတော့ အမေရိကန်အစိုးရဟာ နိုင်ငံတကာရေပိုင်နက်ထဲမှာ သာမန်ရေလုပ်သားတွေကိုပါပစ်မှတ်ထားပြီး တရားလက်လွတ်သတ်ဖြတ်နေတာဖြစ်နိုင်တယ်လို့ ဝေဖန်စွပ်စွဲနေကြပါတယ်။
