Border News Agency
လယ်ဝေး၊ ဧပြီ ၂၄။
နေပြည်တော်၊ လယ်ဝေးမြို့နယ်ရှိ စစ်ကော်မရှင်တပ်စခန်းကို KNLA နဲ့ ပူးပေါင်းတပ်တွေက ဧပြီလ ၂၂ ရက်၊မနက်ပိုင်းမှာ တိုက်ခိုက်သိမ်းပိုက်ခဲ့တယ်လို့ သိရပါတယ်။
အဲဒီလိုတိုက်ခိုက်ခဲ့တာကြောင့် ဗိုလ်မှူးအပါအဝင် စစ်ကော်မရှင်တပ်ဖွဲ့ဝင် အများအပြားသေဆုံးပြီး လက်နက်ခဲယမ်းတွေသိမ်းဆည်းရမိခဲ့တယ်လို့ဆိုပါတယ်။
အောင်ချမ်းသာရွာသစ်ဘုန်းကြီးကျောင်းမှာတပ်စွဲထားတဲ့ ခမရ ၄၁၁ ပူးပေါင်းတပ်စခန်းကို KNLA နဲ့ ပူးပေါင်းတပ်တွေတိုက်ခိုက်ခဲ့တာကြောင့် ဗိုလ်မှူးထွန်းထွန်းလင်းအပါအဝင် စစ်ကော်မရှင်တပ်ဖွဲ့ဝင် ၁၀ ဦးထက်မနည်းသေဆုံးခဲ့တယ်လို့ ဆိုပါတယ်။
အဲဒီအပြင် MA အမျိုးအစား သေနတ် ၄ လက်နဲ့အတူ ခဲယမ်းနဲ့ ဆက်စပ်ပစ္စည်းတွေကိုလည်း သိမ်းဆည်းရမိခဲ့တယ်လို့ဆိုပါတယ်။
အဲဒီတိုက်ပွဲကို KNU / KNLA တပ်မဟာ ၂ ၊ KNDO တပ်ရင်း ၄ တပ်ခွဲ ၃ အထူးတပ်ရင်း KNLA တပ်ခွဲ ၁ ၊ KNDF တပ်ရင်း ၂၉ နဲ့ အခြားမဟာမိတ်တပ်တွေ ပူးပေါင်းလုပ်ဆောင်ခဲ့တာဖြစ်တယ်လို့ ဆိုပါတယ်။
