Border News Agency
အမေရိကန်၊ ဧပြီ ၂၆။
အရှေ့အလယ်ပိုင်းဒေသက အမေရိကန်စစ်အခြေစိုက်စခန်းတွေဟာ အီရန်ရဲ့ တိုက်ခိုက်မှုတွေကြောင့် အရင်က လူသိရှင်ကြား ထုတ်ပြန်ထားတာထက် ပိုမိုဆိုးရွားစွာ ပျက်စီးဆုံးရှုံးခဲ့ရတယ်လို့ အမေရိကန်အခြေစိုက် NBC သတင်းဌာနက ဧပြီလ ၂၅ ရက်၊မနေ့က ဖော်ပြပါတယ်။
အီရန်ရဲ့ F-5 တိုက်လေယာဉ်တစီးဟာ အမေရိကန်ရဲ့လေကြောင်းရန်ကာကွယ်ရေးစနစ်ကိုဖောက်ထွက်ပြီး ပင်လယ်ကွေ့နိုင်ငံတွေမှာရှိတဲ့ အမေရိကန်စစ်ဘက်ဆိုင်ရာ အဆောက်အအုံနဲ့ အသုံးအဆောင်ပစ္စည်းတွေကို အကြိမ်ကြိမ် တိုက်ခိုက်ခဲ့တာပါ။
အဲဒီတိုက်ခိုက်မှုတွေကြောင့် ဖြစ်ပေါ်ခဲ့တဲ့ ပျက်စီးဆုံးရှုံးမှုဟာ အလွန်ကြီးမားပြီး ပျက်စီးသွားတာတွေကို ပြန်လည်ပြုပြင်ဖို့အတွက် အမေရိကန်ဒေါ်လာ ဘီလီယံနဲ့ချီ ကုန်ကျနိုင်တယ်လို့ ဆိုပါတယ်။
အီရန်ဘက်က အခုလို အမေရိကန်ရဲ့ ခံစစ်ကို ကျော်ဖြတ်ပြီး တိုက်ခိုက်နိုင်ခဲ့တာဟာ ဒေသတွင်းက အမေရိကန်စစ်စခန်းတွေရဲ့ လုံခြုံရေးနဲ့ ပတ်သက်ပြီး စိုးရိမ်စရာ အခြေအနေ ဖြစ်လာစေခဲ့ပါတယ်။
အမေရိကန်နဲ့ အီရန်ကြား စစ်ရေးတင်းမာမှုတွေ အရှိန်မြင့်နေသလို ဒီတိုက်ခိုက်မှု သတင်းတွေကြောင့် အရှေ့အလယ်ပိုင်းမှာရှိတဲ့ အမေရိကန်ရဲ့ စစ်ရေးဩဇာအပေါ် မေးခွန်းထုတ်စရာတွေ ဖြစ်ပေါ်နေပါတယ်။
