Border News Agency
နေပြည်တော်၊ ဧပြီ ၃၀။
ကဆုန်လပြည့်နေ့အထိမ်းအမှတ်အဖြစ် နိုင်ငံတဝှမ်းရှိ အကျဉ်းထောင်၊ အချုပ်ထောင်နဲ့ စခန်းအသီးသီးမှာ ပြစ်ဒဏ်ကျခံနေရတဲ့ အကျဉ်းသား၊ အကျဉ်းသူ ၁,၅၀၈ ဦးကို ဧပြီလ ၃၀ရက်၊ ဒီနေ့လွတ်ပေးလိုက်ပါတယ်။
အဲဒီလွတ်ငြိမ်းခွင့်ကိုရာဇဝတ်ကျင့်ထုံးဥပဒေပုဒ်မ ၄၀၁၊ပုဒ်မခွဲ(၁)အရ ပြစ်ဒ ဏ်လျှော့ပေးတာဖြစ်ပြီး ပြန်လွတ်လာသူတွေဟာ နောက်တကြိမ် ပြစ်မှုထပ်ကျူးလွန်ရင် ကျန်ပြစ်ဒဏ်တွေကိုပေါင်းခံရမယ့်စည်းကမ်းချက်ပါပါတယ်။
အဲဒီအပြင် ဧပြီလ ၃၀ ရက်မတိုင်မီ ပြ စ်မှုတခုခုနဲ့ပြစ်ဒဏ်ကျခံနေရတဲ့ အကျဉ်းသားအားလုံးကိုလည်း ကျခံဖို့ကျန်တဲ့ပြစ်ဒဏ်တွေရဲ့ခြောက်ပုံတပုံကို လွတ်ငြိမ်းသက်သာခွင့်အဖြစ်အမိန့်ထုတ်ပါတယ်။
နိုင်ငံခြားသား အကျဉ်းသား၊ အကျဉ်းသူဆယ့်တဦးကိုလည်း ရာဇဝတ်ကျင့် ထုံးဥပဒေပုဒ်မ ၄၀၁ (၁) အရ ပြစ်ဒဏ်လျှော့ပေါ့လွတ်ငြိမ်းပေးပြီး ပြည်နှင် ဒဏ်ပေးလိုက်ပါတယ်။
အဲဒီလွတ်ငြိမ်းခွင့်ရသူတွေဟာ ဧပြီလ ၃၀ ရက်နေ့မှစလို့ သက်ဆိုင်ရာ အကျဉ်းထောင်အသီးသီးမှ ပြန်လွတ်မြောက်လာမှာဖြစ်ပြီး ဘာသာရေးနေ့ အထိမ်းအမှတ်လွတ်ငြိမ်းပေးတာလို့ဆိုပါတယ်။
