​Border News Agency
မီဇိုရမ်၊ ဧပြီ ၃၀။

​မီဇိုရမ်ပြည်နယ်မှာ နောက်ဆုံးကျန်နေတဲ့ Hmar ပြည်သူ့ကွန်ဗင်းရှင်း (HPC-D) အဖွဲ့ခွဲက အဖွဲ့ဝင် ၄၃ ဦးဟာ ဧပြီလ ၃၀ ရက်နေ့မှာ လက်နက်စွန့်အလင်းဝင်လာတယ်လို့ အိန္ဒိယသတင်းတွေဖော်ပြထားပါတယ်။

အဲ​ဒီအလင်းဝင်ပွဲကို အိုက်ဇောလ်မြို့အနီးက ရဲဗဟိုလေ့ကျင့်ရေးသင်တန်းကျောင်းမှာလုပ်ပြီး ပြည်နယ်ဝန်ကြီးချုပ်နဲ့ တာဝန်ရှိသူတွေ တက်ရောက်ခဲ့ကြတာပါ။

အဲဒါဟာပြီးခဲ့တဲ့ ဧပြီလ၁၄ ရက်နေ့က နှစ်ဖက်ချုပ်ဆိုခဲ့တဲ့ငြိမ်းချမ်းရေး စာ ချုပ်ရဲ့ရလဒ်ဖြစ်ပါတယ်။

​Sanate ဦးဆောင်တဲ့အဖွဲ့ အလင်းဝင် လာတာမို့ မီဇိုရမ်ပြည်နယ်မှာ ဆယ်စုနှစ်နဲ့ချီဖြစ်ပွားခဲ့တဲ့ လက်နက်ကိုင်ပုန်ကန်မှုတွေလုံးဝချုပ်ငြိမ်းသွားပြီလို့ အိန္ဒိယသတင်းဌာနတွေက ဆိုပါတယ်။

အဲဒီ​ငြိမ်းချမ်းရေးသဘောတူညီချက်အရ အစိုးရက Hmar လူမျိုးစုတွေနေညထိုင်တဲ့ Sinlung Hills ဒေသဖွံ့ဖြိုးရေးဘတ်ဂျက်တွေချထားပေးဖို့နဲ့ လမ်း ပန်းဆက်သွယ်ရေးတွေအဆင့်မြှင့်ပေးဖို့သဘောတူခဲ့ပါတယ်။

​အဲဒီအပြင် Hmar လူမျိုးစုတွေရဲ့ ယဉ် ကျေးမှုပွဲတော်တွေနဲ့ အာဇာနည်နေ့ကို တရားဝင်အသိအမှတ်ပြုဖို့လည်း ပါဝင်ပါတယ်။

အဲဒီ Hmar လက်နက်ကိုင်လှုပ်ရှားမှုဟာ ၁၉၈၆ ခုနှစ်ကတည်းက ကိုယ်ပိုင်အုပ်ချုပ်ခွင့်ရဖို့ စတင်တောင်းဆိုခဲ့တာဖြစ်ပြီးခုလုံးဝအဆုံးသတ်သွားတာဖြစ်ပါတယ်။