Border News Agency
ပေါက်၊ မေ ၁၀။
မကွေးတိုင်း၊ဆိပ်ဖြူမြို့နယ် ကာကွယ်ရေးပစ္စည်းစက်ရုံ (ကပစ) ၂၂ ကနေ ပေါက်မြို့နယ် ကပစ ၂၄ ကို ဦးတည်လာတဲ့ အာဏာသိမ်းစစ်တပ် စစ်ကြောင်းကို ဒေသကာကွယ်ရေး ပူးပေါင်းအဖွဲ့တွေက ကြားဖြတ်တိုက်ခိုက်ခဲ့တယ်လို့ ပခုက္ကူခရိုင် အမှတ် ၁၂ တပ်ရင်းကမေလ ၉ ရက်၊မနေ့ကထုတ်ပြန်ပါတယ်။
အဲဒီစစ်ကြောင်းဟာ ဗိုလ်မှူးစိုးသူရ ဦးဆောင်ပြီး ခမရ ၅၇၃၊ ၅၇၂၊ ၃၁၆ နဲ့ တပ်မ ၉၉ တို့က အင်အား ၅၅၄ ယောက်လောက်နဲ့ စုဖွဲ့လာတာ ဖြစ်ပါတယ်။
အဲဒီပေါက်မြို့နယ်တောင်ပိုင်းမှာ မေလ ၄ ရက်နေ့က ၂ နာရီကြာ တိုက်ပွဲဖြစ်ပွားခဲ့ပြီး အာဏာသိမ်းစစ်တပ်ဘက်က ၄ ဦး သေဆုံးခဲ့တယ်လို့ ဆိုပါတယ်။
အဲဒီအပြင် မေလ ၅ ရက်နေ့မှာလည်း ပုသိန်-မုံရွာ လမ်းဘေးတနေရာမှာ တိုက်ပွဲ ၃ ကြိမ် ဖြစ်ပွားခဲ့တယ်လို့ ဆိုပါတယ်။
အဲ့ဒီတိုက်ပွဲမှာလည်း အာဏာသိမ်းစစ်တပ်ဘက်က ၅ ဦး သေဆုံးပြီး ၁၀ ဦးထက်မနည်း ပဒဏ်ရာ ရသွားခဲ့တယ်လို့ဆိုပါတယ်။
အဲဒီအပြင်မေလ ၆ ရက်နေ့မှာ ခမရ ၅၇၃ က ပေါ်တာဆွဲခံထားရတဲ့ ပြည်သူ ၃ ဦးဟာ လက်နက်ခဲယမ်းတွေနဲ့အတူ အလင်းဝင်လာခဲ့တယ်လို့ဆိုပါတယ်။
သူတို့နဲ့အတူ MA-3 ၁လက်၊ ကျည်ဘောက် ၃ ဘောက်နဲ့ ကျည် ၆၂ တောင့်တို့ ပါလာခဲ့တယ်လို့ဆိုပါတယ်။
အဲဒီအာဏာသိမ်းစစ်တပ်စစ်ကြောင်းကို ပခုက္ကူခရိုင် တောင်ပိုင်းစုဖွဲ့မှု စစ်ကြောင်းတွေဖြစ်တဲ့ ပခုက္ကူခရိုင် အမှတ် ၁၁၊ ၁၂၊ ၁၈၊ YRF ဗိုလ်နားပေါက်၊ SOS၊ PLA အဖွဲ့တွေနဲ့ ပခုက္ကူခရိုင် စစ်ဌာန စုဖွဲ့မှုစစ်ကြောင်းတွေပူးပေါင်းတိုက်ခိုက်ခဲ့တယ်လို့ ဆိုပါတယ်။
