Border News Agency
မကွေး၊ မေ ၁၀။
မကွေးတိုင်း၊ ပေါက်မြို့နယ်အတွင်း အာဏာသိမ်းစစ်တပ်စစ်ကြောင်းကို PDF ပူးပေါင်းတပ်ဖွဲ့တွေက ကင်းပုန်းဝပ်တိုက်ခိုက်ခဲ့တယ်လို့ မြိုင်မြို့နယ်ပြည်သူ့ကာကွယ်ရေးအဖွဲ့ (မြိုင်ပကဖ)က မေလ ၁၀ ရက်၊ ဒီနေ့ထုတ်ပြန်ပါတယ်။
အဲဒီတယ်ပင်ကန်ကျေးရွာအနီးမှာ မေလ ၇ ရက်နေ့က အင်အား ၅၀၀ ခန့်ပါဝင်တဲ့ တပ်မ ၉၉ စစ်ကြောင်းကို မြိုင်ပကဖ၊ ပေါက်ပကဖနဲ့ မကွေး PDF (MGY PDF) တို့က ပူးပေါင်းတိုက်ခိုက်ခဲ့တယ်လို့ဆိုပါတယ်။
အဲဒီတိုက်ပွဲအတွင်း PDF တပ်ဖွဲ့တွေကဦးစွာပစ်ခတ်နိုင်ခဲ့တာကြောင့်အာဏာသိမ်းစစ်တပ်ဘက်မှ ၁၀ ဦးထက်မနည်းသေဆုံးခဲ့တယ်လို့ဆိုပါတယ်။
အဲဒီတိုက်ပွဲမှာ အာဏာသိမ်းစစ်တပ်က အင်အား ၅ ဆခန့်ပိုမိုများလာတာကြောင့်ကာကွယ်ရေးရဲဘော်တွေထိခိုက်မှုမရှိစေဖို့ပြန်လည်ဆုတ်ခွာခဲ့တယ်လို့ဆိုပါတယ်။
