အာရက္ခအဆုံးအဖြတ်စစ်ပွဲမှာ အာရက္ခတပ်တော်ဖမ်းဆီးထိန်းသိမ်းထားတဲ့စစ်ကောင်စီတပ်ဖွဲ့ဝင်တွေရဲ့မိသားစုဝင်တွေအပါအဝင် အရပ်သားအကျဥ်သားတ ချို့ကို ဖေဖော်ဝါရီလ ၈ ရက်၊မနေ့ကပြန်လွှတ်ပေးလိုက်ပါတယ်။
အဲဒီစစ်ကောင်စီတပ်ရဲ့မိသားစုဝင်အမျိုးလေးဆယ်၊အမျိုးသမီးခုနှစ်ဆယ်ခြော က်ဦးအပါအဝင် အရပ်သားအကျဥ်သားနှစ်ဆယ့်ခြောက်ဦးဖြစ်ပြီး သူတို့ဟာ စစ်ကောင်စီတပ်ကင်းမဲ့တဲ့နေရာတွေကဖြစ်ကြပါတယ်။
အဲဒီသူတွေကို အာရက္ခတပ်တော်က မိသားစုဝင်တွေဆီ တရားဝင်လွဲပြောင်းပေးခဲ့တာဖြစ်ပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအ ဝင် မောင်တော၊ဘူးသီးတောင်၊ရသေ့တောင်၊ပုဏ္ဏားကျွန်း၊ကျောက်တော်၊မြောက်ဦး၊မင်းပြား၊မြေပုံ၊ပေါက်တော၊ရမ်းဗြဲ၊သံတွဲ၊တောင်ကုတ်၊အမ်း၊ဂွမြို့နယ်တွေကို အပြီးသတ်သိမ်းပိုက်ထိန်းချုပ်ထားပြီဖြစ်ပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ စစ်ကောင်စီတပ်ဖွဲ့ဝင်တွေ၊စစ်ကောင်စီတပ်ဖွဲ့ဝင်တွေရဲ့မိသားစုဝင်တွေအပါအဝင်လူပေါင်းတသောင်းကျော်ထိဖမ်းဆီးထိန်းသိမ်းထားတယ်လို့အာရက္ခပြည်သူ့တော်လှန်ရေးအစိုးရတာဝန်ရှိသူတွေက ဆိုကြပါတယ်။
အာရက္ခတပ်တော်သိမ်းပိုက်ထိန်းချုပ်ထားတဲ့နယ်မြေတွေမှာ အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေ ဖော်ဆောင်နေပြီး အာရက္ခပြည်သူတွေ ဘေးကင်းလုံခြုံရေးအပါအဝင် ပြန်လည်တည်ဆောက်ရေးကိုလည်း ကူညီဆောင်ရွက်ပေးနေတယ်လို့ အာရက္ခပြည်သူတွေက ဆိုကြပါတ ယ်။
အဲဒီလိုပြန်လည်တည်ဆောက်ရေးတွေပြုလုပ်ပေးနေတာမို့ ဘေးကင်းလုံခြုံစိတ်ချရတဲ့အခြေအနေတွေမှာ ပြန်လည်လွှတ်ပေးသင့်သူတွေကို ပြန်လွှတ်ပေးသွားမယ်လို့ အာရက္ခတပ်တော်က ဆိုပါတယ်။
မြန်မာနိုင်ငံရဲ့ပြည်တွင်းရေးကို နိုင်ငံရေးနည်းလမ်းနဲ့အဖြေရှာသွားမယ်လို့ပြီးခဲ့တဲ့နှစ်ဒီဇင်ဘာလ ၂၉ ရက်နေ့က အာရက္ခတပ်တော်ထုတ်ပြန်ထားပါတယ်။
