Border News Agency
နေပြည်တော်၊ မေ ၁၅။
အများပြည်သူသုံးသယ်ယူပို့ဆောင်ရေးစနစ်တွေထဲမှာ ရထားပို့ဆောင်ရေးဟာ အထိရောက်ဆုံးဖြစ်တာကြောင့် ပြည်သူတွေ ယုံကြည်အားကိုးနိုင်အောင် အဆင့်မြှင့်တင်မှုတွေလုပ်ဆောင်ရမယ်လို့ သမ္မတတုမင်းအောင်လှိုင်က ပြောပါတယ်။
နေပြည်တော်၊ပုဗ္ဗသီရိမြို့နယ်ရှိ စက်ခေါင်းသစ်တပ်ဆင်ထုတ်လုပ်ရေးစက်ရုံကို မေလ ၁၄ ရက်နေ့က သွားရောက်စစ်ဆေးစဉ် အခုလို ထည့်သွင်းပြောကြားခဲ့တာပါ။
မြန်မာနိုင်ငံမှာ ခုလက်ရှိရင်ဆိုင်နေရတဲ့ လောင်စာဆီအခက်အခဲတွေကြောင့် အများပြည်သူသုံး ပို့ဆောင်ရေးကဏ္ဍကို ပိုကောင်းအောင်လုပ်ဖို့ လိုအပ်နေတယ်လို့ ဆိုပါတယ်။
အဲဒီအပြင် လေယာဉ်၊ ကား၊ ရေယာဉ်တွေနဲ့ ယှဉ်ရင် ရထားဟာ ခရီးသည်နဲ့ ကုန်စည်တွေကို ကုန်ကျစရိတ်သက်သာစွာနဲ့အများအပြား ပို့ဆောင်ပေးနိုင်တဲ့အတွက် နိုင်ငံအတွက် အမှန်တကယ် အကျိုးရှိတဲ့ လုပ်ငန်းဖြစ်တယ်လို့ လည်းဆိုပါတယ်။
အဲဒီရထားကိုအသုံးပြုရင်လောင်စာဆီသုံးစွဲမှုကို လျှော့ချနိုင်မှာဖြစ်လို့ ပြည်သူတွေ ပိုမိုအားကိုးလာအောင် ရထားစနစ်ကို ဆက်လ
က်အဆင့်မြှင့်သွားမယ်လို့ဆိုပါတယ်။
မြန်မာ့မီးရထားဟာ ၁၈၇၇ ခုနှစ်မှာ စတင်ခဲ့ပြီး ၂၀၂၇ ခုနှစ်ဆိုရင် သက်တမ်း နှစ်ပေါင်း ၁၅၀ ပြည့်တော့မှာဖြစ်လို့ အခုထက် ပိုမိုဖွံ့ဖြိုးလာဖို့ လိုအပ်တယ်လို့လည်း ထောက်ပြထားပါတယ်။
ရထားနဲ့ ခရီးသည်နဲ့ ကုန်စည်တွေကို မြန်ဆန်ထိရောက်စွာ ပို့ဆောင်နိုင်ရင် အသုံးပြုသူ ပိုများလာမှာဖြစ်တာကြောင့် နိုင်ငံအတွက် အရေးပါတဲ့ မီးရထားလမ်းတွေမှာ ကုန်စည်ပို့ဆောင်ရေးလုပ်ငန်းတွေ အဆက်မပြတ် ဆောင်ရွက်နိုင်အောင် ကြိုတင်စီမံထားရမယ်လို့လည်းဆိုပါတယ်။
