Border News Agency
စစ်ကိုင်း၊ဇွန် ၁၉။
အာဏာသိမ်းစစ်တပ်ဟာ အာဏာသိမ်းပြီးကတည်းက ပြည်သူတွေကို စစ်ရာဇဝတ်မှုတွေ၊လူ့အခွင့်အရေးချိုးဖောက်မှုတွေနဲ့ နေ့စဉ်နဲ့အမျှနှိပ်စက်နေတယ်လို့ မြန်မာအမျိုးသမီးများအဖွဲ့အစည်း (WJ) က ဇွန်လ ၁၈ ရက်၊မနေ့က ထုတ်ပြန်ပါတယ်။
အမျိုးသမီးတွေဟာ လိင်ပိုင်းဆိုင်ရာ အကြမ်းဖက်မှုတွေအပါအဝင် အန္တရာယ်မျိုးစုံကို အမြဲလိုလို ရင်ဆိုင်နေရတယ်လို့လည်းဆိုပါတယ်။
ပြီးခဲ့တဲ့ မတ်လအတွင်းမှာ အာဏာသိမ်းစစ်တပ်က စစ်ကိုင်းတိုင်းထဲက အမျိုးသမီး ၆ ဦးကိုလူသားဒိုင်းအဖြစ် ဖမ်းဆီးခဲ့ပြီး လက်နက်ကြီး၊ လေကြောင်းတိုက်ခိုက်မှုနဲ့ မိုင်းကြောင့် ၁၁ ဦး သေဆုံးပြီး ၁၀ ဦး ဒဏ်ရာရခဲ့တယ်လို့ဆိုပါတယ်။
ချင်းပြည်မှာလည်း အာဏာသိမ်းစစ်တပ်ရဲ့ လက်နက်ကြီးနဲ့ လေကြောင်းတိုက်ခိုက်မှုတွေကြောင့် အမျိုးသမီး ၆ ဦး ထပ်မံသေဆုံးခဲ့ရတယ်လို့ဆိုပါတယ်။
အဲဒါကြောင့် စုစုပေါင်း အမျိုးသမီး ၁၇ ဦး အသက်ဆုံးရှုံးခဲ့ရတာပါ။
မြန်မာအမျိုးသမီးအဖွဲ့အနေနဲ့ အာဏာသိမ်းစစ်တပ်ရဲ့ ရက်စက်တဲ့ လုပ်ရပ်တွေကို မှတ်တမ်းတင်ထားပြီး အခုလို ကျူးလွန်နေမှုတွေကို ပြင်းပြင်းထန်ထန် ရှုတ်ချတယ်လို့လည်းဆိုပါတယ်။
