Border News Agency
ဧရာဝတီ၊ ဇူလိုင် ၉။
ကချင်ပြည်နဲ့ မြစ်အထက်ပိုင်းဒေသတွေမှာ မိုးတွေဆက်တိုက်သည်းထန်နေတာကြောင့် ဧရာဝတီမြစ်ရေဟာ ဆက်မြင့်တက်လာနိုင်တယ်လို့ မိုးလေဝသဌာနသတိပေးထားပါတယ်။
အဲဒီမြစ်ရေဟာ ခုနှစ်ပေဝန်းကျင်ခန့်တက်လာပြီး မြစ်ရေအဝင်တဆယ့်ခြောက်ပေကျော်ထိရောက်လာနိုင်ပါတယ်။
ဇူလိုင်လ ဒုတိယဆယ်ရက်အတွင်းမှာ မြစ်ရေဟာ စိုးရိမ်ရေအမှတ်နားထိရောက်နိုင်မယ့်အခြေအနေရှိတယ်လို့ ဆိုပါတယ်။
အဲဒီမြစ်ရိုးတလျှောက်မြို့တွေဟာ အရင်ရေကြီးမှုတွေကြောင့် မြေသားရေခံအားတွေများနေတာမို့ ခုမြစ်ရေထပ်တက်လာရင် ရေဘေးဒဏ်ကိုပိုခံစားရနိုင်တယ်လို့ ဆိုပါတယ်။
ခုရေတက်နှုန်းနှေးသွားနိုင်ပေမယ့် နောက်ပိုင်းပြန်တက်လာနိုင်တာမို့ အချိန်နဲ့တပြေးညီစောင့်ကြည့်နေရမှာပါ။
အဲဒါကြောင့်မြစ်နားနေထိုင်သူတွေ၊ရေလုပ်ငန်းနဲ့ စိုက်ပျိုးရေးလုပ်ကိုင်သူတွေဟာ ရေဘေးအတွက်ကြိုတင်ပြင်ဆင်ထားကြဖို့နဲ့ သတိရှိရှိနေထိုင်ကြဖို့ တိုက်တွန်းထားပါတယ်။
