Border News Agency
လယ်မူလား၊ ဇူလိုင် ၉။
မြိတ်-ထားဝယ်ခရိုင်၊ လယ်မူလားမြို့နယ်ထဲက ပြည်သူတွေနေထိုင်တဲ့ကျေးရွာတရွာကို အာဏာသိမ်းစစ်တပ် လေကြောင်းတိုက်ခိုက်ခဲ့တယ်လို့ ကရင်အမျိုးသားအစည်းအရုံးမှ ဇူလိုင်လ ၉ ရက်၊ ဒီနေ့ထုတ်ပြန်ပါတယ်။
အဲဒီလယ်မူလားမြို့နယ်၊ ထီးမိုပွာလာခေါကျေးရွာအုပ်စု၊ ကင်းနီကျွန်းကျေးရွာအတွင်းကိုဇူလိုင်လ ၈ ရက်၊ ညနေ ၄ နာရီအချိန်က အာဏာသိမ်းစစ်တပ်ပေါင် ၂၅၀ ဗုံးလေးလုံးနဲ့ တိုက်ခိုက်ခဲ့တယ်လို့ဆိုပါတယ်။
အဲဒီလိုတိုက်ခိုက်ခဲ့ကြောင့် ကျေးရွာအတွင်းနေအိမ်တွေ ထိခိုက်ပျက်စီးမှုရှိခဲ့တယ်လို့ဆိုပါတယ်။
အဲဒီတိုက်ခိုက်မှုဟာ စစ်ရေးပစ်မှတ်မရှိတဲ့ ပြည်သူ့ကျေးရွာထဲကို ရည်ရွယ်ချက်ရှိရှိလုပ်ဆောင်ခဲ့တာဖြစ်ပြီး လေကြောင်းရန်ကြောင့် ဒေသခံပြည်သူတွေ ကြောက်လန့်တကြား ထွက်ပြေးတိမ်းရှောင်ခဲ့ကြရတယ်လို့ဆိုပါတယ်။
