Border News Agency
ပုဏ္ဏားကျွန်း၊ဇူလိုင် ၁၄။
အာရက္ခပြည်သူ့တော်လှန်ရေးအစိုးရရဲ့တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)က ပုဏ္ဏားကျွန်းမြို့မ ဒီလပ်စခန်းမှူးဟာ ငွေအလွှဲသုံးစာလုပ်တာမို့ တရားဥပဒေစိုးမိုးရေးနဲ့ပြည်သူ့လုံခြုံရေးဌာန(DLEPS)ချုပ်က ဖမ်းဆီးထားတယ်လို့ ဒီလပ်အသိုင်းအဝိုင်းက ဆိုကြပါတယ်။
အဲဒီပုဏ္ဏားကျွန်းမြို့မဒီလပ်စခန်းမှူး မောင်မောင်ဌေးဟာ ဒီလပ်ရုံးချုပ်ကချပေးတဲ့လစဥ်အသုံးစရိတ်ငွေတွေနဲ့အရပ်ဖက်မိဘပြည်သူတွေဆီက ချေးငှားတဲ့ငွေတွေကို ကိုယ့်ကျိုးအသုံးပြုအလွှဲသုံးစားပြုလုပ်ခဲ့တာပါ။
အဲဒီငွေတွေကို ကေတီဗွီ(KTV)တွေမှာသွားရောက်သောက်စားပျော်ပါးဖြုန်းတီးခဲ့တာမို့ စစ်တွေခရိုင်ဒီလပ်တာဝန်ရှိသူတွေ ဖမ်းဆီးလိုက်တာလို ဆိုကြပါတယ်။
“အထက်ကစခန်းသုံးဖို့ချပေးတဲ့ငွေတွေနဲ့အရပ်ဖက်က ချေးထားတဲ့ ငွေတွေလ ည်းပါတယ်။အဲဒီငွေတွေအားလုံးကို KTV မှာ သွားဖြုန်းခဲ့ပါတယ်။ခုမြို့မစ ခန်းမှူးက စခန်းမှာမရှိတော့ဘူး။ဖမ်းသွားကြပါတယ်။”လို့ ပုဏ္ဏားကျွန်းမြို့မစခန်းနဲ့နီးစပ်တဲ့ပြည်သူတဦးက Border News Agency ကို ပြောပါတယ်။
အဲဒီစခန်းမှူးတွေနဲ့အမှုစစ်တချို့ဟာ အမှုတွေကို သူတို့နဲ့နီးစပ်တဲ့ဆွေမျိုးတွေ၊အသိသူငယ်ချင်းတွေဘက်ဦးစားပေးရပ်တည်ဖြေရှင်းပေးနေကြတယ်လို့ အာရက္ခပြည်သူတွေက ဆိုကြပါတယ်။
အဲဒီပုဏ္ဏားကျွန်းမြို့မဒီလပ်စခန်းမှူးကို အကျင့်ပျက်မှုနဲ့စစ်တွေခရိုင်ဒီလပ်တာဝန်ရှိသူတွေက ဖမ်းဆီးလိုက်တာဖြစ်ပေမယ့် ဘယ်ပုဒ်မတွေနဲ့အရေးယူမယ်ဆိုတာမသိရသေးဘူးလို့ ပုဏ္ဏားကျွန်းမြို့ခံတွေက ဆိုကြပါတယ်။
“ဖမ်းဆီးတာတော့သေချာပါတယ်။ဘ ယ်ကိုခေါ်သွားတယ်ဆိုတာတော့မသိပါဘူး။”လို့ ပုဏ္ဏားကျွန်းမြို့မှပြည်သူတဦးက Border News Agency ကို ပြောပါတယ်။
အဲဒီပုဏ္ဏားကျွန်းမြို့မဒီလပ်စခန်းမှူးဟာ အရာရှိအဆင့်ရှိသူဖြစ်ပြီးသူ့နေရာကိုနောက်တဦးကို ယာယီတာဝန်လွှဲပေးထားတယ်လို့ ပုဏ္ဏားကျွန်းမြို့ခံတွေကဆိုကြပါတယ်။
“ခုတော့ နောက်တယောက်ကို စခန်းမှူးတာဝန်လွှဲထားတာတွေ့ပါတယ်။ခုစခန်းမှူးကိုတော့ ကျမတို့အရင်ကလည်းမြင်ဖူးပါတယ်။”လို့ ပုဏ္ဏားကျွန်းမြို့ခံအ မျိုးသမီးတဦးက Border News Agen cy ကို ပြောပါတယ်။
အဲဒီပုဏ္ဏားကျွန်းမြို့မဒီလပ်စခန်းမှူးကိုဖမ်းဆီးအရေးယူထားတာဟာ ပြည်သူယုံကြည်မှုတွေပိုဖြစ်လာစေပြီး အာဏာ လုပ်ပိုင်ခွင့်ကိုအသုံးပြုကာ အကျင့်ပျ က်ခြစားကိုယ်ကျိုးရှာနေကြသူတွေကိုထိထိရောက်ရောက်ဖော်ထုတ်အရေးယူပေးစေချင်တယ်လို့ အာရက္ခပြည်သူတွေက ဆိုကြပါတယ်။
အဲဒီစခန်းမှူးတချို့ဟာ အဓိကကလျော် ကြေး၊နစ်နာကြေးပေးပြီး ကျေအေးရတဲ့မှုခင်းတွေမှာ ဒီလပ်တပ်ဖွဲ့ဝင်တချို့ဟာ သူတို့အသိတွေကိုကြိုတင်ဇာတ် တိုက်ထားသလိုမျိုး တဖက်သတ်ဖြေရှင်းပေးလေ့ရှိတယ်လို့ အာရက္ခပြည်သူတွေက ဆိုကြပါတယ်။
အဲဒီအပြင် သူတို့နဲ့သိတဲ့သူတွေ လိုချင်တဲ့ လျော်ကြေးအတိုင်း ရစေချင်တာမို့ တခြားအမှုသည်အပေါ် ဥပဒေအကြော င်းပြပြီး ဖိအားပေးတာ၊ခြိမ်းခြောက်တာတွေထိ လုပ်နေကြတယ်လို့ ကိုယ်တိုင်ကြုံတွေ့ခဲ့ရသူတွေက ဆိုကြပါတယ်။
“အကျင့်ပျက်သူကို အရေးယူတသဘောကျပါတယ်။ကျမသားဆိုရင်တောင် ကျမဝမ်းနည်းမှာမဟုတ်ပါဘူး။ ဒီလိုနမူနာတွေပြမှ နောက်လူတွေလည်း အနေအထိုင်မှန်လာကြမှာပါ။”လို့ ပုဏ္ဏားကျွန်းမြို့မှအမျိုးသမီးတဦးက Border News Agency ကို ပြောပါတယ်။
အာရက္ခပြည်သူ့တော်လှန်ရေးအစိုးရရဲ့တရားဥပဒေစိုးမိုးရေးနဲ့ပြည်သူ့လုံခြုံ ရေးဌာန(DLEPS)က တပ်ဖွဲ့ဝင်တချို့ဟာ မှုခင်းတွေကိုညှိနှိုင်းဖြေရှင်းပေးရာမှာ ဘက်လိုက်တာတွေရှိနေတယ်လို့ အာရက္ခပြည်သူတွေ ဆိုကြပါတယ်။
အဲဒီစခန်းမှူးတွေနဲ့အမှုစစ်တွေဟာ သာ မန်အမှုတွေကို ဖြေရှင်းပေးတဲ့နေရာတိုင်းမှာ အဂတိကင်းကင်းနဲ့နှစ်ဖက်မျှမျှတတရှိစေချင်ပြီးဘက်လိုက်မှုတွေရှိနေတာကို အထက်လူကြီးတွေ သေသေချာချာ စိစစ်အရေးယူပေးစေချင်တယ်လို့ အာရက္ခပြည်သူတွေ ဆိုကြပါတယ် ။
အဲဒီတရားဥပဒေစိုးမိုးရေးနဲ့ပြည်သူ့လုံ ခြုံရေးဌာန(DLEPS)ကို အာရက္ခတပ်တော်(AA)တပ်မှူးချုပ်၊ဗိုလ်ချုပ်ထွန်းမြတ်နိုင်ရဲ့ ဦးလေးရဲမှူးဟောင်းဦးအောင်သာဝင်းက ဒီလပ်ချုပ်(ရဲချုပ်)အဖြစ်တာဝန်ယူဆောင်ရွက်နေပါတယ်။
